Fulfulde, Maasina - 2005 Edition (NT) Non-Drama

<div class="version vid1175 iso6393ffm" data-vid="1175" data-iso6393="ffm">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Haala luuttude e yaafeede</div><div class="p"> 1Iisaa wii taalibaa&#595;e mum &#595;ee:</div><div class="p">&#8212;Ko fergitata yim&#595;e faa luutta waasataa he&#595;eede, kaa bone woodanii laatii&#599;o sabaabu majjum. 2Haayre teddunde ha&#595;&#595;ee e daande joomum tippee ley geeci &#595;uri mo&#436;&#436;ande &#599;um, diina luuttinde gootel e koy &#599;oo cukaloy. 3Kaybee ko'e mon: so sakiike maa luuttii, &#626;i&#331;aa &#599;um. So tuubii, njaafo-&#599;aa &#599;um. 4So o too&#626;ii ma cili je&#599;&#599;i e ley &#626;alooma gooto, o warti e maa cili je&#599;&#599;i omo tuubane, njaafo-&#599;aa mo.</div><div class="s">Haala goon&#599;inal e &#599;owtaare</div><div class="p"> 5 Nelaa&#595;e &#595;ee mbii Moobbo oo:</div><div class="p">&#8212;&#385;eydan min goon&#599;inal.</div><div class="p"> 6Iisaa jaabii, wii:</div><div class="p">&#8212;So goon&#599;inal mon fam&#599;iriino no ngee&#436;u buyaage nii, so on mbiino kii &#599;oo lekki ruggitoo, daroyoo ley geeci, ki &#599;owtanto on.</div><div class="p"> 7Homo e mon maccu&#599;o mum demoowo naa duroowo mum wartata ladde so wiya &#599;um &#626;aamdu mum annii oon wakkati fuu? 8Walaa! A wiyan mo mo&#436;&#436;inane &#626;aamdu, o lanndinoo yalla omo gollane faa &#626;aamaa njaraa. Caggal mum, o &#626;aama kanko duu. Wanaa non worri naa? 9Yalla a yettan maccu&#599;o oo saabe wa&#599;ii ko njamir-&#599;aa &#599;um koo? 10Onon duu hono non. So on nga&#599;ii huunde fuu ko njamire-&#599;on, mbiyee: &#171;Min maccoy tan, ko min kaani wa&#599;ude nii min nga&#599;i.&#187;</div><div class="s">No Iisaa selliniri seppaa&#595;e sappo</div><div class="p"> 11Nde Iisaa yahannoo Urusaliima ndee, &#436;a&#595;&#595;orii hakkunde ley&#599;e Samariya e Galili. 12O wari faa o naata ngeenndi ngootiri, non seppaa&#595;e sappo wor&#595;e peewti mo, ndarii to toowti, 13eewnii, mbii:</div><div class="p">&#8212;Moobbo Iisaa, yurma min!</div><div class="p"> 14Nde o yiinoo &#595;e ndee, o wii &#595;e:</div><div class="p">&#8212;Njehee, kolloyee ko'e mon yottinoo&#595;e sadaka &#595;ee.</div><div class="p">E ley yaadu ma&#595;&#595;e nduu, &#595;e cellinaa. 15Gooto ma&#595;&#595;e, nde yiinoo sellii ndee, wirfitii ana yetta Laam&#599;o e daande toownde. 16O diccii yeeso Iisaa, o yetti &#599;um. Oon yo Samariyanke. 17Iisaa ja&#595;&#595;itii, wii:</div><div class="p">&#8212;Tama wanaa sappo &#595;ee fuu cellinaama? Hoto njeenayon &#595;ee nee ngoni? 18Walaa miil&#599;o wirfitaade yetta Laam&#599;o so wanaa janano oo naa?</div><div class="p"> 19Caggal &#599;um, o wii gorko oo:</div><div class="p">&#8212;Imma yaa e laawol maa, sabi goon&#599;inal maa danndii ma.</div><div class="s">No Laamu Laam&#599;o wardata</div><div class="p"> 20Nden Farisa'en &#595;ee lamndii Iisaa mande Laamu Laam&#599;o oo warata? O jaabii &#595;e, o wii:</div><div class="p">&#8212;No Laamu Laam&#599;o wardata nii, yiyataake. 21Fay gooto waawaa wiide omo nii naa omo naa. Anndee, Laamu Laam&#599;o ana hakkunde mon.</div><div class="p"> 22Caggal &#599;um, o wii taalibaa&#595;e makko &#595;ee:</div><div class="p">&#8212;Wakkati waran mo muuyaton e mum yiide &#626;alaa&#599;e &#385;ii Ne&#599;&#599;o oo, fay so &#626;annde wootere, kaa on njiyataa. 23On mbiyete: &#171;Omo too&#187;, naa &#171;Omo gaa&#187;, pati njehee, pati njokkee &#595;e. 24Sabi no majere fooynirta kammu fuu nii, hono non &#385;ii Ne&#599;&#599;o laatortoo &#626;annde gartol mum. 25Kaa ko adii &#599;um, ana tilsi o torree torraaji keew&#599;i, yim&#595;e oo &#599;oo jamaanu tippitoo mo. 26No wa'unoo e wakkati Nuuhu nii, hono non kasen wa'ata e &#626;alaa&#599;e &#385;ii Ne&#599;&#599;o: 27yim&#595;e ana &#626;aama, ana njara, ana ndewla, ana ndewlee, faa &#626;annde Nuuhu naati laana kaa. Nii ilam tuufaanu &#599;am wari, halkiri &#595;e fuu. 28Wa'an hono no wakkati Luu&#599;u nii, yim&#595;e ana &#626;aama, ana njara, ana cooda, ana cootta, ana ndema, ana maha. 29Kaa nde Luu&#599;u yaltunoo Sodooma ndee, Laam&#599;o tomni yiite e sitti, halki &#595;e fuu. 30Hono non &#626;annde &#595;anngugol &#385;ii Ne&#599;&#599;o oo duu wa'ata. 31&#413;annde nden, mo &#599;um tawi dow bene, tawi kaaki mum ana ley suudu, pati wiya jippanto &#599;i. Mo &#599;um tawi gese, pati hoota cuu&#599;i. 32Miccitee jom suudu Luu&#599;u oo. 33Ne&#599;&#599;o fuu tewtu&#599;o danndude yonki mum, waasan ki, kaa ne&#599;&#599;o fuu baasu&#599;o ki, danndan ki. 34Mi&#599;o haalana on: e oon jemma, yim&#595;e &#599;i&#599;on leldii&#595;e e da&#599;&#599;o wooto, gooto ma&#595;&#595;e na&#595;ete, go&#599;&#599;o oo yoppee. 35Rew&#595;e &#599;i&#599;on undoo&#595;e, gooto mum'en na&#595;ete, go&#599;&#599;o oo yoppee. [ 36#17.36 E &#599;ereeji &#595;ooy&#599;i &#599;ii, yoga ana &#595;eyda aaya 36: Wor&#595;e &#599;i&#599;on won&#595;e e ngesa ngoota, gooto mum'en na&#595;ete, go&#599;&#599;o oo yoppee.]</div><div class="p"> 37Taalibaa&#595;e &#595;ee nja&#595;&#595;itii, mbii mo:</div><div class="p">&#8212;Kalfaa&#599;o, hoto &#599;um wa&#599;ata?</div><div class="p">O wii &#595;e:</div><div class="p">&#8212;&#394;o jiibe ngoni fuu, &#599;on dute kawritata.</div>
 </div>
 </div>
</div>

Iisaa wii taalibaaɓe mum ɓee:
—Ko fergitata yimɓe faa luutta waasataa heɓeede, kaa bone woodanii laatiiɗo sabaabu majjum. Haayre teddunde haɓɓee e daande joomum tippee ley geeci ɓuri moƴƴande ɗum, diina luuttinde gootel e koy ɗoo cukaloy. Kaybee ko'e mon: so sakiike maa luuttii, ɲiŋaa ɗum. So tuubii, njaafo-ɗaa ɗum. So o tooɲii ma cili jeɗɗi e ley ɲalooma gooto, o warti e maa cili jeɗɗi omo tuubane, njaafo-ɗaa mo.

Nelaaɓe ɓee mbii Moobbo oo:
—Ɓeydan min goonɗinal.
Iisaa jaabii, wii:
—So goonɗinal mon famɗiriino no ngeeƴu buyaage nii, so on mbiino kii ɗoo lekki ruggitoo, daroyoo ley geeci, ki ɗowtanto on.
Homo e mon maccuɗo mum demoowo naa duroowo mum wartata ladde so wiya ɗum ɲaamdu mum annii oon wakkati fuu? Walaa! A wiyan mo moƴƴinane ɲaamdu, o lanndinoo yalla omo gollane faa ɲaamaa njaraa. Caggal mum, o ɲaama kanko duu. Wanaa non worri naa? Yalla a yettan maccuɗo oo saabe waɗii ko njamir-ɗaa ɗum koo? Onon duu hono non. So on ngaɗii huunde fuu ko njamire-ɗon, mbiyee: «Min maccoy tan, ko min kaani waɗude nii min ngaɗi.»

Nde Iisaa yahannoo Urusaliima ndee, ƴaɓɓorii hakkunde leyɗe Samariya e Galili. O wari faa o naata ngeenndi ngootiri, non seppaaɓe sappo worɓe peewti mo, ndarii to toowti, eewnii, mbii:
—Moobbo Iisaa, yurma min!
Nde o yiinoo ɓe ndee, o wii ɓe:
—Njehee, kolloyee ko'e mon yottinooɓe sadaka ɓee.
E ley yaadu maɓɓe nduu, ɓe cellinaa. Gooto maɓɓe, nde yiinoo sellii ndee, wirfitii ana yetta Laamɗo e daande toownde. O diccii yeeso Iisaa, o yetti ɗum. Oon yo Samariyanke. Iisaa jaɓɓitii, wii:
—Tama wanaa sappo ɓee fuu cellinaama? Hoto njeenayon ɓee nee ngoni? Walaa miilɗo wirfitaade yetta Laamɗo so wanaa janano oo naa?
Caggal ɗum, o wii gorko oo:
—Imma yaa e laawol maa, sabi goonɗinal maa danndii ma.

Nden Farisa'en ɓee lamndii Iisaa mande Laamu Laamɗo oo warata? O jaabii ɓe, o wii:
—No Laamu Laamɗo wardata nii, yiyataake. Fay gooto waawaa wiide omo nii naa omo naa. Anndee, Laamu Laamɗo ana hakkunde mon.
Caggal ɗum, o wii taalibaaɓe makko ɓee:
—Wakkati waran mo muuyaton e mum yiide ɲalaaɗe Ɓii Neɗɗo oo, fay so ɲannde wootere, kaa on njiyataa. On mbiyete: «Omo too», naa «Omo gaa», pati njehee, pati njokkee ɓe. Sabi no majere fooynirta kammu fuu nii, hono non Ɓii Neɗɗo laatortoo ɲannde gartol mum. Kaa ko adii ɗum, ana tilsi o torree torraaji keewɗi, yimɓe oo ɗoo jamaanu tippitoo mo. No wa'unoo e wakkati Nuuhu nii, hono non kasen wa'ata e ɲalaaɗe Ɓii Neɗɗo: yimɓe ana ɲaama, ana njara, ana ndewla, ana ndewlee, faa ɲannde Nuuhu naati laana kaa. Nii ilam tuufaanu ɗam wari, halkiri ɓe fuu. Wa'an hono no wakkati Luuɗu nii, yimɓe ana ɲaama, ana njara, ana cooda, ana cootta, ana ndema, ana maha. Kaa nde Luuɗu yaltunoo Sodooma ndee, Laamɗo tomni yiite e sitti, halki ɓe fuu. Hono non ɲannde ɓanngugol Ɓii Neɗɗo oo duu wa'ata. Ɲannde nden, mo ɗum tawi dow bene, tawi kaaki mum ana ley suudu, pati wiya jippanto ɗi. Mo ɗum tawi gese, pati hoota cuuɗi. Miccitee jom suudu Luuɗu oo. Neɗɗo fuu tewtuɗo danndude yonki mum, waasan ki, kaa neɗɗo fuu baasuɗo ki, danndan ki. Miɗo haalana on: e oon jemma, yimɓe ɗiɗon leldiiɓe e daɗɗo wooto, gooto maɓɓe naɓete, goɗɗo oo yoppee. Rewɓe ɗiɗon undooɓe, gooto mum'en naɓete, goɗɗo oo yoppee. [ ]
Taalibaaɓe ɓee njaɓɓitii, mbii mo:
—Kalfaaɗo, hoto ɗum waɗata?
O wii ɓe:
—Ɗo jiibe ngoni fuu, ɗon dute kawritata.

להקשיב ל Luuka 17