<div class="version vid1145 iso6393spp" data-vid="1145" data-iso6393="spp">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s">Kile di&#626;y&#603; yaa&#331;kanni</div><div class="p"> 1Di&#626;y&#603; tas&#236;ige e, Kile &#224; n&#236;&#626;yi&#331;i n&#225; &#626;&#236;&#331;ke d&#225;. 2&#413;&#236;&#331;ke yyaha baa woge ni&#331;gage ku mpyi. L&#249;bw&#596;h&#596; n&#225; numpini mpyi ku cyeyi puni i. *Kile Munaani s&#237; mpyi na mp&#233;ele kuru l&#249;bw&#596;he n&#236;&#626;yi&#331;i na.</div><div class="p"> 3Ka Kile si jwo: &#171;B&#603;&#768;&#603;nmpe pu fworo&#187; ka b&#603;&#768;&#603;nmpe si fworo. 4Kile &#224; b&#603;&#768;&#603;nmpe &#626;ya p'&#224; &#626;w&#596;, ka u u pu n&#225; numpini l&#225;ha yiye na. 5Maa b&#603;&#768;&#603;nmpe m&#603;ge le can&#331;ke, maa numpini m&#603;ge le numpilage. Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi can&#626;cyiige.</div><div class="p"> 6&#413;y&#603; ka Kile si n&#250;r'a jwo: &#171;Lw&#596;he ku t&#225;a, laaga ku pyi ku shw&#596;h&#596;l'e.&#187; 7Maa kuru laage yaa, m&#224; t&#603;&#768;g'a &#626;&#236;&#331;ke lw&#596;he n&#225; n&#236;&#626;yi&#331;i lw&#596;he l&#225;ha yiye na. Ka lire si mpyi li jwu&#331;kanni na. 8Ka Kile si kuru laage m&#603;ge le n&#236;&#626;yi&#331;i. Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi canzh&#596;nwoge.</div><div class="p"> 9&#413;y&#603; ka Kile si n&#250;r'a jwo: &#171;N&#236;&#626;yi&#331;i &#626;w&#596;h&#596; lw&#596;he ku b&#237;nni cyaga ni&#331;kin i, cyage san&#331;ke ku pyi tawaga.&#187; Ka lire si mpyi li jwu&#331;kanni na. 10Ka u u tawage m&#603;ge le &#626;&#236;&#331;ke, lw&#596;h'&#224; b&#237;nni cyage &#331;kemu i ke, maa kuru m&#603;ge le suumpe lw&#596;he. Maa lire &#626;ya l'&#224; &#626;w&#596;.</div><div class="p"> 11&#413;y&#603; ka Kile si jwo na yaayi shi&#331;i puni yi fy&#238;n &#626;&#236;&#331;ke na, s&#249;ma&#331;i n&#225; cire, yi i yas&#603;r&#603; pyi yi t&#224;anna n&#225; yi shi&#331;i i. Ka lire si mpyi li jwu&#331;kanni na. 12Ka yaayi shi&#331;i puni si fy&#238;n &#626;&#236;&#331;ke na, s&#249;ma&#331;i n&#225; cire, maa yas&#603;r&#603; pyi m&#224; t&#224;anna n&#225; yi shi&#331;i i. Ka Kile si lire &#626;ya l'&#224; &#626;w&#596;. 13Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi canntanrawoge.</div><div class="p"> 14&#413;y&#603; ka Kile si n&#250;r'a jwo na b&#603;&#768;&#603;nmpe yaayi yi pyi n&#236;&#626;yi&#331;i na, yi i can&#331;ke n&#225; numpilage t&#603;g&#603;ni l&#225;ha. Yire yi pyi t&#224;afyee mpiimu pi s&#237; raa kat&#225;angii n&#225; canyi n&#225; yyeegii cy&#234;re ke. 15Yire yaayi yi pyi n&#236;&#626;yi&#331;i na, yi raa b&#603;&#768;&#603;nmpe t&#238;rige &#626;&#236;&#331;ke na. Ka lire si mpyi li jwu&#331;kanni na. 16Ka Kile si b&#603;&#768;&#603;nm&#603; yaaya nimbwoyo shuunni yaa. Maa yi puni nimbw&#596;he yaha can&#331;ke &#626;&#249;&#331;&#596; na, maa nimbileni yaha numpilage &#626;&#249;&#331;&#596; na. Maa w&#596;rigii m&#250; yaa. 17Kile &#224; yire yaayi yaha n&#236;&#626;yi&#331;i na, b&#224; yi si mpyi s'a b&#603;&#768;&#603;nmpe kaan &#626;&#236;&#331;ke na m&#603;. 18Maa yi t&#236;&#331;&#603; can&#331;ke n&#225; numpilage &#626;&#249;&#331;&#596; na, b&#224; yi si mpyi si numpini n&#225; b&#603;&#768;&#603;nmpe t&#603;g&#603;ni l&#225;ha yiye na m&#603;. Ka Kile si lire &#626;ya l'&#224; &#626;w&#596;. 19Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi cansicy&#603;re woge.</div><div class="p"> 20&#413;y&#603; ka Kile si n&#250;r'a jwo: &#171;&#413;yii yaayi yi &#626;yaha teetee lw&#596;he e, sa&#626;cy&#603;&#603;nre m&#250; ti y&#238;ri t'a mp&#233;ele &#626;jaampe e.&#187; 21Maa lw&#596;he &#626;yii yaayi nimbwoyi n&#225; lw&#596;he &#626;yii yaayi shi&#331;i san&#331;i puni yaa teetee, maa yi pyi yi &#626;yaha yi t&#224;anna n&#225; yi shi&#331;i puni i. Maa sa&#626;cy&#603;&#603;nre yaa m&#250; m&#224; t&#224;anna n&#225; ti shi&#331;i i. Maa lire &#626;ya l'&#224; &#626;w&#596;. 22Kile &#224; jw&#243; le y'&#225;, maa jwo yi si teetee yi i suumpe lw&#596;he &#626;&#238;. Maa jwo na sa&#626;cy&#603;&#603;nre m&#250; ti &#626;yaha &#626;&#236;&#331;ke na. 23Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi can&#331;ka&#331;kuro woge.</div><div class="p"> 24&#413;y&#603; ka Kile si n&#250;r'a jwo &#626;&#236;&#331;ke ku &#626;&#238; &#626;yii yaayi shi&#331;i puni na, mu &#224; jwo yat&#596;&#596;re, &#626;&#236;&#331;ke yafiliyi, n&#225; sige yaare, yi puni n&#225; yi shi&#331;i. Ka lire si mpyi li jwu&#331;kanni na. 25Ka Kile si sige yaare yaa ti shi&#331;i puni, maa yat&#596;&#596;re yaa ti shi&#331;i puni, maa &#626;&#236;&#331;ke yafiliyi yaa yi shi&#331;i puni m&#250;. Ka u u lire &#626;ya l'&#224; &#626;w&#596;.</div><div class="p"> 26Cyire puni &#626;w&#596;h&#596; na, Kile &#224; jwo: &#171;&#413;y&#603; num&#603;, wuu s&#249;pya&#331;i yaa wuye fiige, u u mpyi wuu m&#225;lw&#596;r&#596;. B&#224; u si mpyi si mpyi fyaabii puni &#626;&#249;&#331;&#596; na, si mpyi sa&#626;cy&#603;&#603;nre &#626;&#249;&#331;&#596; na, si mpyi yat&#596;&#596;re &#626;&#249;&#331;&#596; na, si mpyi &#626;&#236;&#331;ke n&#225; ku &#626;&#249;&#331;&#596; yafiliyi puni &#626;&#249;&#331;&#596; na m&#603;.&#187;</div><div class="q"> 27Ka Kile si s&#249;pya&#331;i yaa uye m&#225;lw&#596;r&#596;.</div><div class="q">U &#224; u yaa u yabili&#331;i fiige.</div><div class="q">Maa u yaa n&#596;&#768; n&#225; ceewe.</div><div class="p"> 28Ka Kile si jw&#243; le pi na, maa jwo: &#171;Yii si, yii &#626;&#236;&#331;ke &#626;&#238;, yii i nt&#603;&#768;&#603;n ku &#626;&#249;&#331;&#596; na. Yii i mpyi fyaabii n&#225; sa&#626;cy&#603;&#603;nre n&#225; &#626;yii yaaga maha &#626;yii yaaga ku &#626;y&#603; &#626;&#236;&#331;ke na ke, yire &#626;&#249;&#331;&#596; na.&#187;</div><div class="p"> 29&#413;y&#603; ka Kile si n&#250;r'a jwo: &#171;Yii w&#237;i. Mii &#224; &#626;&#236;&#331;ke s&#249;ma&#331;i shi&#331;i puni n&#225; cire shi&#331;i puni yas&#603;&#603;re kan yii &#225;, yi pyi yii yaly&#238;re. 30Mii &#224; &#626;y&#603;puruge (&#626;yapuruge)* n&#225; wyempuruyi puni kan sige yaare n&#225; yat&#596;&#596;re n&#225; sa&#626;c&#603;&#603;nr'&#225;, yire si mpyi ti yaly&#238;re.&#187; Ka lire si mpyi li jwu&#331;kanni na. 31Ka Kile si li &#626;ya na uru kapyii&#331;kii pun'&#224; &#626;w&#596; s&#232;e s&#232;l'e. Ka numpilage si ww&#596;&#768;, ka &#626;y&#603;&#768;ge si m&#250;go, ka kuru si mpyi canbaani woge.</div>
 </div>
 </div>
</div>

Diɲyɛ tasìige e, Kile à nìɲyiŋi ná ɲìŋke dá. Ɲìŋke yyaha baa woge niŋgage ku mpyi. Lùbwɔhɔ ná numpini mpyi ku cyeyi puni i. *Kile Munaani sí mpyi na mpéele kuru lùbwɔhe nìɲyiŋi na.
Ka Kile si jwo: «Bɛ̀ɛnmpe pu fworo» ka bɛ̀ɛnmpe si fworo. Kile à bɛ̀ɛnmpe ɲya p'à ɲwɔ, ka u u pu ná numpini láha yiye na. Maa bɛ̀ɛnmpe mɛge le canŋke, maa numpini mɛge le numpilage. Ka numpilage si wwɔ̀, ka ɲyɛ̀ge si múgo, ka kuru si mpyi canɲcyiige.
Ɲyɛ ka Kile si núr'a jwo: «Lwɔhe ku táa, laaga ku pyi ku shwɔhɔl'e.» Maa kuru laage yaa, mà tɛ̀g'a ɲìŋke lwɔhe ná nìɲyiŋi lwɔhe láha yiye na. Ka lire si mpyi li jwuŋkanni na. Ka Kile si kuru laage mɛge le nìɲyiŋi. Ka numpilage si wwɔ̀, ka ɲyɛ̀ge si múgo, ka kuru si mpyi canzhɔnwoge.
Ɲyɛ ka Kile si núr'a jwo: «Nìɲyiŋi ɲwɔhɔ lwɔhe ku bínni cyaga niŋkin i, cyage sanŋke ku pyi tawaga.» Ka lire si mpyi li jwuŋkanni na. Ka u u tawage mɛge le ɲìŋke, lwɔh'à bínni cyage ŋkemu i ke, maa kuru mɛge le suumpe lwɔhe. Maa lire ɲya l'à ɲwɔ.
Ɲyɛ ka Kile si jwo na yaayi shiŋi puni yi fyîn ɲìŋke na, sùmaŋi ná cire, yi i yasɛrɛ pyi yi tàanna ná yi shiŋi i. Ka lire si mpyi li jwuŋkanni na. Ka yaayi shiŋi puni si fyîn ɲìŋke na, sùmaŋi ná cire, maa yasɛrɛ pyi mà tàanna ná yi shiŋi i. Ka Kile si lire ɲya l'à ɲwɔ. Ka numpilage si wwɔ̀, ka ɲyɛ̀ge si múgo, ka kuru si mpyi canntanrawoge.
Ɲyɛ ka Kile si núr'a jwo na bɛ̀ɛnmpe yaayi yi pyi nìɲyiŋi na, yi i canŋke ná numpilage tɛgɛni láha. Yire yi pyi tàafyee mpiimu pi sí raa katáangii ná canyi ná yyeegii cyêre ke. Yire yaayi yi pyi nìɲyiŋi na, yi raa bɛ̀ɛnmpe tîrige ɲìŋke na. Ka lire si mpyi li jwuŋkanni na. Ka Kile si bɛ̀ɛnmɛ yaaya nimbwoyo shuunni yaa. Maa yi puni nimbwɔhe yaha canŋke ɲùŋɔ na, maa nimbileni yaha numpilage ɲùŋɔ na. Maa wɔrigii mú yaa. Kile à yire yaayi yaha nìɲyiŋi na, bà yi si mpyi s'a bɛ̀ɛnmpe kaan ɲìŋke na mɛ. Maa yi tìŋɛ canŋke ná numpilage ɲùŋɔ na, bà yi si mpyi si numpini ná bɛ̀ɛnmpe tɛgɛni láha yiye na mɛ. Ka Kile si lire ɲya l'à ɲwɔ. Ka numpilage si wwɔ̀, ka ɲyɛ̀ge si múgo, ka kuru si mpyi cansicyɛre woge.
Ɲyɛ ka Kile si núr'a jwo: «Ɲyii yaayi yi ɲyaha teetee lwɔhe e, saɲcyɛɛnre mú ti yîri t'a mpéele ɲjaampe e.» Maa lwɔhe ɲyii yaayi nimbwoyi ná lwɔhe ɲyii yaayi shiŋi sanŋi puni yaa teetee, maa yi pyi yi ɲyaha yi tàanna ná yi shiŋi puni i. Maa saɲcyɛɛnre yaa mú mà tàanna ná ti shiŋi i. Maa lire ɲya l'à ɲwɔ. Kile à jwó le y'á, maa jwo yi si teetee yi i suumpe lwɔhe ɲî. Maa jwo na saɲcyɛɛnre mú ti ɲyaha ɲìŋke na. Ka numpilage si wwɔ̀, ka ɲyɛ̀ge si múgo, ka kuru si mpyi canŋkaŋkuro woge.
Ɲyɛ ka Kile si núr'a jwo ɲìŋke ku ɲî ɲyii yaayi shiŋi puni na, mu à jwo yatɔɔre, ɲìŋke yafiliyi, ná sige yaare, yi puni ná yi shiŋi. Ka lire si mpyi li jwuŋkanni na. Ka Kile si sige yaare yaa ti shiŋi puni, maa yatɔɔre yaa ti shiŋi puni, maa ɲìŋke yafiliyi yaa yi shiŋi puni mú. Ka u u lire ɲya l'à ɲwɔ.
Cyire puni ɲwɔhɔ na, Kile à jwo: «Ɲyɛ numɛ, wuu sùpyaŋi yaa wuye fiige, u u mpyi wuu málwɔrɔ. Bà u si mpyi si mpyi fyaabii puni ɲùŋɔ na, si mpyi saɲcyɛɛnre ɲùŋɔ na, si mpyi yatɔɔre ɲùŋɔ na, si mpyi ɲìŋke ná ku ɲùŋɔ yafiliyi puni ɲùŋɔ na mɛ.»
Ka Kile si sùpyaŋi yaa uye málwɔrɔ.
U à u yaa u yabiliŋi fiige.
Maa u yaa nɔ̀ ná ceewe.
Ka Kile si jwó le pi na, maa jwo: «Yii si, yii ɲìŋke ɲî, yii i ntɛ̀ɛn ku ɲùŋɔ na. Yii i mpyi fyaabii ná saɲcyɛɛnre ná ɲyii yaaga maha ɲyii yaaga ku ɲyɛ ɲìŋke na ke, yire ɲùŋɔ na.»
Ɲyɛ ka Kile si núr'a jwo: «Yii wíi. Mii à ɲìŋke sùmaŋi shiŋi puni ná cire shiŋi puni yasɛɛre kan yii á, yi pyi yii yalyîre. Mii à ɲyɛpuruge (ɲyapuruge)* ná wyempuruyi puni kan sige yaare ná yatɔɔre ná saɲcɛɛnr'á, yire si mpyi ti yalyîre.» Ka lire si mpyi li jwuŋkanni na. Ka Kile si li ɲya na uru kapyiiŋkii pun'à ɲwɔ sèe sèl'e. Ka numpilage si wwɔ̀, ka ɲyɛ̀ge si múgo, ka kuru si mpyi canbaani woge.

להקשיב ל Ziiŋi 1