Ageun 9
9
1 #
Age 1:28. Kisireren Edeke Noa ka odweke, kotema kes atiar, “Kouriata, kipuaros, kilelebata akwap. 2#Kos 2:18; Yak 3:7. Ŋolitiaŋ kere loka akwap, ka ŋinibore kere yeneporitoi kapak kokuriana yes ka etasuro; ka lueliatos kere luka akwap ka lukeeor kere ainak akaninikus. 3#Ikis 12:15; 14:3. Ŋinibore kere yenelosi yenejari kere eraun inyamatakus; kwape ikui kainakis yes kere. 4#1 Sam 14:34; Asw 15:20,29; Leb 19:26; 17:10-14; Ikis 12:16,23; 15:23. Konye akiriŋ naejai aijar tomake, kes akeokot, mam inyamenenete. 5#Any 21:28,29; Mar 35:31; Asw 17:26. Mam kakurwokin aibura akusiwokot, aokot nuka aijarakus, eburai kes kakan naka ŋolitiaŋ; kakan da naka ituŋanan, karaida kakan naka onace loka ninitunanan, eburai eoŋ aijar naka ituŋanan, 6#Any 21:12,14; Leb 24:17; Mat 26:52; Apu 13:10; 1 Kor 11:7; Age 1:26; Any 20:13. ŋinituŋanan yenebukori aokot nuka ituŋanan, akeokot da ebukorio, kanuka ituŋanan kaŋin: naarai abu Edeke kosub ituŋanan toma aputoke. 7#Age 1:28. Yes da, kouriata, kipuaros; kilelebata akwap, kiyatanakinos noi kanen.”
8Kotema Edeke Noa ka odweke atiar, 9“Koany, eoŋ da, etogogoŋi akaitutuket kajo, nepepe ka akusiwur da nakitupanakini yes. 10#Age 8:1. Nepepe ka isubat kere yeneiari yenejai nepepe kayes, lueporitos, ka ibaren, ka ŋolitiaŋ loka akwap nepepe kayes; kere luelomunete kataker, ŋolitiaŋ loka akwap. 11#2 Pet 3:5. Etogogoŋi eoŋ akaitutuket nepepe kayes, mam bobo amudiari akuan kere kakip nuka akalele; ido mam ejaun bobo akalele amudiar akwap.” 12#Mat 26:26-28. Kotema Edeke atiar, “Na ŋes aanyunet naka aitutuket naetutuki eoŋ kayes, ka ŋinisubat kere yenejari yenejai nepepe kayes aitodol aturio numam edaunos. 13Asipokini ekataluka odou, ido eraunun ŋesi aanyunet naka aitutuket kokidiŋikaŋ ka akwap. 14Kosodi naayaununia eoŋ edou kokuju kakwap etakanununei etaluka kodou, 15#Any 28:12; Leb 26:42,45; Esk 16:60; Isa 54:9. Eitununei eoŋ da akaitutuket naabu ketutuk eoŋ nepepe kayes, ka ninisubat yenejari yenikakuan kere, ido mam bobo akipi eraunos akalele amudiar akuan naka ŋinibore kere, 16#Age 17:13,19; 2 Sam 23:5. Ejaununei etaluka odou, anolekini eoŋ ŋes, kasodi akiitun aitutuket namam edaun naabu Edeke kitutuk kaninisubat kere yenejari yenikakuan yenejai kakwap.” 17Kotema Edeke Noa atiar, “Ŋin ŋes aanyunet naka aitutuket naabu eoŋ ketogogon kokidinikon ka ninikuan kere naejai kakwap.”
18 #
Age 10:6. Odwe luka Noa, lualomunete kataker kes Sem, ka Kam, ka Yapet: Kam da ŋes papa loka Kanaan. 19#Age 10:32; 1 Siit 1:4. Ŋul luuni kes odwe luka Noa: ido ipapaikec kanul kes luesiarakinos akwap kere.
20 #
Age 3:19; 4:2; Lim 5:9. Kogeu Noa araun ekakorion, kira emusabibu; 21#Age 19:32,36; Awa 20:1; Pes 5:18. Komat aion, komerikin, kojai titai kotoma owemake. 22Koany Kam, papa loka Kanaan, ŋes imujalal, kolimok ikekinacan iarei luajaas kina, 23#Any 20:12; Gal 6:1. Kolemut Sem ka Yapet elou, kibwaikis okeperinikec kere, kobonobonoto ekaukau, kimukosi papakec kinye amuialal; ido kanueteoto kinaren, mam apotu koanyut papakec imujalal. 24Kikua emeret loka Noa, kojenu nuabu okokuke lodidi kiswamak ŋes. 25#Ikis 27:16; Mat 25:41; Yos 9:23; 1 Ika 9:20. Kotema atiar,
“Kikenokinoi Kanaan;
Korau ebulesit loka ibulesin kama ejaas ikekinacan.”
26 #
Sab 144:15; Bur 11:16. Ido kotema atiar,
“Kituritete EJAKAIT, Edeke loka Sem;
Korau Kanaan ekebulesit.
27 #
Pes 2:13,14; 3:6. Kitalal Edeke Yapet,
Kiboienenei kotoma oweman luka Sem;
Korau Kanaan ekebulesit.”
28Kodau Noa ikar akwat auni ka akaisakany akaulo kakalele. 29#Age 3:19; Yob 30:23; 34:15; Sab 89:48; Rom 5:12; 1 Kor 15:21; Bur 9:27. Apaarasia kere nuka Noa kes ikar akwat akanykaoŋon ka akaisakany: kotwani.
હાલમાં પસંદ કરેલ:
Ageun 9: AOV1961
Highlight
શેર કરો
નકલ કરો
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.