Popular Bible Verses from Mark 13

શેર કરો

Kaik kandaškandeba vihan teiden päle minun nimen tagut, no ken püžub vahvas lophusai, se päzub.»

«Kackat, olgat herkhil i loičkat, ved՚ tö et tekoi, konz nece aig tuleb.

Konz teid veškatas pämehiden edehe i väritaškatas, algat holdugoi edelpäi, midä sanuda, i algat pidägoi päs. Sanugat se, mi sil aigal teile anttas sanuda. Siloi et pagiškoi tö, vaiše Pühä Heng.

Taivaz i ma kadoba, no minun sanad ei kadogoi.

No sidä päiväd i časud niken ei teda, ei angelad taivhas, ei Poig, vaiše üks՚ Tat.»

Konz kulištat toran änid i vestid voinan polhe, ka algat pöl՚gästugoi. Muga tarbiž olda, no nece völ ei linne lop.

Sikš olgat herkhil, ved՚ tö et tekoi, konz tuleb pertin ižand kodihe: ehtal vai kesköd, kukoinlaundan aigan vai homendezhämäral. Hän tuleb ühtnägoi – varaikat, miše hän ei löudaiži teid magadamas. Midä minä sanun teile, sidä sanun kaikile: olgat herkhil!»

Rahvaz libuškandeb tošt rahvast vaste, i valdkund valdkundad vaste, äjiš sijoiš linneba manrehkaidused i tuleb näl՚g i torad. Nece om sündutandkibuiden augotiž.

No edel hüvä vest՚ tarbiž sanelda kaikile rahvahile.

Äjad tuleba minun nimes i sanuba, miše hö oma minä i veba vigaha.

No tö kackat! Teid veškatas sudha i löškatas suimpertiš. Teid seižutadas pämehiden i kunigahiden edehe minun tagut, miše todištaižit heile minus.

Tühjid messioid i tühjid sanankandajid tuleb, i hö tegeškandeba tundmuztegoid i čudoid, miše veda, ku voiži, valitud-ki vigaha.

«No nenil päivil, jäl՚ges sidä ahtištust, päiväine pimidub i kudmaine ei anda ičeze vauktad, tähthad lankteba taivhaspäi, i taivhan väged säregandeba.