Popular Bible Verses from मत्ती 26

શેર કરો

च्यागाताःक्पु पेःदी तेः ओःले परीक्षाला मालेप्च्युक लाःती प्रार्थना पेःदो। ख्योक्याइ याःबु पेःजे नी सेम थेती एः, इःनाङ ख्योक्याइ जुबु कम्जोर एः।”

ओःले येशुइ खुङक्याला लाःसी, “ङाःइ सेम तुःङालगीइ छाबाछुबे काःल्दी नीङरा केःटोरारा काःल्दी एः। ख्योक्या दीलारा ङीचु माःलोबा तेः।”

ओःले खुङदी तीबी चीग फार्ला काःल्दी साला खाप्लु क्याःप्‍ती एःन्डु लाःतेरा रेःम्गाला स्युःसी, “ए ङाःइ आबा, ओःङ्‍खुउए लाःना दी तुःक्पुइ मेःन्ज्या ङाःलाःम्‍ले तेङ्तेर। इःनाङ ङाःइ सेम थेक्योक मीःङे, इःनाङ ख्याइ सेम थेक्योक ताम काःल्ज्युक।”

दीखो ङाःइ ठा इःङे, दीखोइ कोन्ज्यो ङीमु पेःक्योक ताःम्ज्याला ताःम्गुए। दी ठा माःङ्बुरा मीःक्याइ लाःयो क्षमा काःल्ज्युक लाःती स्याःल्गेन एः।

खुङक्याइ डेन साःदेरा पेःगासुना येशुइ खुरा चीग लेःङ्सी ओःले कोन्ज्योला थुजीछे तेर्मीःजीक खुङगीइ खुरा च्यासी ओःले योबाक्याला तेर्सी ओःले लाःसी, “दीखो लेःङ्दी सोः, दीखो ङाःइ जुबु इःङे।”

ओः तीङ्ला मेःन्ज्याङ लेःङ्सी ओःले कोन्ज्योला थुजीछे तेर्ती योबाक्याला तेर्तेरा लाःसी, “दीखो ख्योक्या थाम्जेरकीइ थुङ्दो।

येशु लोःदी ओःङ्‍गासुना ओः मेःन्दा सुम योबाक्या ङीचु लोःदी तेःक्योक फ्रेसी। खुङगीइ पत्रुसला लाःसी, “ची ख्योक्या घण्टा चीगकाङ ङाः ङीमु ङीचु माःलोबा तेःमाःखुबा?

ङाः ख्योक्याला लाःके, ङाःइ आबाइ क्याःल्खापला ख्योक्या ङीमु सेम्बा नीःङ्‍गार माःथुङथुप ङाः फीर्च्या दी नीःङ्‍गार मीःथुङेन एः।”

ओःले “च्याःबु प्रेःचे तोःङ्ला ङाःला थाङ्मा सुम ख्योइ ङोःरामेसेए” लाःती येशुइ लाःक्योक ताम पत्रुसकीइ टेःम्बा साल्सी। ओःले खुङ फीला काःल्दी क्वाँ क्वाँ ङुःगाला स्युःसी।

ताः लोःङ, ओःले डोगा। तादो, ङाःला जुम्दी तेर्केन मीः ओःङ्देरा एः।”

येशुइ खुङला लाःसी, “ख्योइ तरवार स्युपला लुदो, चीलेलाःना तरवार क्याःप्केनक्या थाम्जेर तरवारकीइ सीःङ्दाक थागेन एः।