Popular Bible Verses from YUHANA 2

શેર કરો

Yesu daboyã káakuden gwe, kũ à kɛ̀ zaa Kana, Galili bùsun. À tɔ́ bò, akũ a ìbanɔ a náani kɛ̀.

Akũ Yesu wèa à pì: Bɔ́yãi n ma le abireoo? A gɔrɔ dí kámɛnɛ kɔ̀ro.

Akũ Yesu pì zĩkɛrinɔnɛ: À í káka orozã dínɔ pa. Akũ ò í kàka à pà yɛ́rɛrɛ. Akũ à pìńnɛ: À tɔ́ à gɛ́o kɔ̃kɔ̃'orinɔ gbɛ̃ zɔ̃kɔ̃ɔnɛ sa. Akũ ò tɔ̀ ò gɛ̀ɛonɛ.

Yesu wèḿma à pì: À Luda kpɛ́ dí wí, mani ɛra mà futɛ gɔrɔ aakɔ̃ dagura.

Akũ à bàflãa tã̀ à pɛ̀ḿma ò bɔtɛ kũ sãnɔ kũ zùnɔ pínki. À ɔgɔlilinkɛrii pìnɔ ɔgɔ fã̀kɔ̃a, à ń teburunɔ yĩ̀pa à kɔ̀tɛńnɛ. Akũ à pì lukulukuyarii pìnɔnɛ: À pɔ́ pìnɔ sɛ́tɛ à boo pínki. Àsun ma De ɔn kɛ ɛtɛ ũro.