Jɛnɛsis 5
5
Adam Shwiei lɛ
(1 Kronika 1.1-4)
1 #
Jɛn 1.27-28; Luk 3.38 Adam shwiei lɛ ahe sane nɛ. Gbi ni Nyɔŋmɔ bɔ Adam lɛ, Nyɔŋmɔ su nɔ ebɔ lɛ yɛ. 2#Mat 19.4; Mar 10.6 Ebɔ nuu ni ebɔ yoo ni ejɔɔ amɛ ni ewo amɛ gbɛi akɛ “Gbɔmɔ adesa” gbi nɔ ni ebɔ amɛ lɛ. 3#Lal 51.6; 1 Kor 15.49 Adam eye afii oha kɛ nyɔŋmai etɛ̃ momo dani efɔ binuu tamɔ lɛ pɛpɛɛpɛ, ni ewo lɛ gbɛi akɛ Set. 4Be ni afɔ Set sɛɛ lɛ, Adam hi shi afii ohai kpaanyɔ, ni efɔ bihii kɛ biyei krokomɛi. 5No hewɔ lɛ, afii abɔ fɛɛ ni Adam ye dani egbo ji afii ohai nɛɛhu kɛ nyɔŋmai etɛ̃.
6Set eye afii oha kɛ enumɔ ni efɔ Enosh. 7Be ni efɔ Enosh sɛɛ lɛ, ehi shi afii ohai kpaanyɔ kɛ kpawo, ni efɔ bihii kɛ biyei. 8Hewɔ lɛ be ni Set gbo lɛ afii ni eye lɛ fɛɛ feɔ afii ohai nɛɛhu kɛ nyɔŋma kɛ enyɔ.
9Enosh ye afii nyɔŋmai nɛɛhu ni efɔ Kenan. 10Be ni efɔ Kenan sɛɛ lɛ, ehi shi afii ohai kpaanyɔ kɛ nyɔŋma kɛ enumɔ, ni efɔ bihii kɛ biyei. 11No hewɔ lɛ, be ni Enosh gbo lɛ, afii abɔ fɛɛ ni eye ji afii ohai nɛɛhu kɛ enumɔ.
12Kenan eye afii nyɔŋmai kpawo dani efɔ Mahalalel; 13Mahalalel fɔmɔ sɛɛ lɛ, ehi shi afii ohai kpaanyɔ kɛ nyɔŋmai ejwɛ. Efɔ bihii kɛ biyei krokomɛi. 14Hewɔ lɛ be ni Kenan gbo lɛ afii ni eye lɛ fɛɛ feɔ afii ohai nɛɛhu kɛ nyɔŋma.
15Mahalalel eye afii nyɔŋmai ekpaa kɛ enumɔ dani efɔ Yared; 16ni be ni efɔ Yared sɛɛ lɛ, ehi shi afii ohai kpaanyɔ kɛ nyɔŋmai etɛ̃. Efɔ bihii kɛ biyei krokomɛi. 17No hewɔ lɛ, afii fɛɛ ni Mahalalel ye lɛ fɛɛ feɔ ohai kpaanyɔ kɛ nyɔŋmai nɛɛhu kɛ enumɔ.
18Yared ye afii oha kɛ nyɔŋmai ekpaa kɛ enyɔ dani efɔ Henok; 19ni be ni efɔ Henok sɛɛ lɛ, ehi shi afii ohai kpaanyɔ, ni efɔ bihii kɛ biyei krokomɛi. 20No hewɔ lɛ, be ni Yared gbo lɛ, afii abɔ ni eye lɛ fɛɛ feɔ afii ohai nɛɛhu kɛ nyɔŋmai ekpaa kɛ enyɔ.
21Henok ye afii nyɔŋmai ekpaa kɛ enumɔ dani efɔ Metusela, ni be ni efɔ Metusela sɛɛ lɛ, eja Nyɔŋmɔ afii ohai etɛ̃, 22ni efɔ bihii kɛ biyei krokomɛi. 23No hewɔ lɛ, afii ni Henok ye lɛ fɛɛ feɔ afii ohai etɛ̃ kɛ nyɔŋmai ekpaa kɛ enumɔ. 24#Heb 11.5; Yud 1.14 Henok mɔ Nyɔŋmɔjamɔ mli waa, no hewɔ lɛ, Nyɔŋmɔ ŋɔ lɛ kɛtee, ni no sɛɛ lɛ anaaa lɛ dɔŋŋ.
25Metusela ye afii oha kɛ nyɔŋmai kpaanyɔ kɛ kpawo dani efɔ Lamek; 26be ni efɔ Lamek sɛɛ lɛ, ehi shi afii ohai kpawo kɛ nyɔŋmai kpaanyɔ kɛ enyɔ; efɔ bihii kɛ biyei krokomɛi. 27No hewɔ lɛ, be ni Metusela gbo lɛ, afii ni eye lɛ fɛɛ feɔ afii ohai nɛɛhu kɛ nyɔŋmai ekpaa kɛ nɛɛhu.
28Lamek ye afii oha kɛ nyɔŋmai kpaanyɔ kɛ enyɔ dani efɔ binuu. 29Ewo lɛ Noa, ni ekɛɛ akɛ, “Mɔ nɛ baashɛje wɔmii yɛ wɔninenaa nitsumɔ kɛ tɔlɛ ni etɔɔ wɔ yɛ loomɔ ni Nuŋtsɔ lɛ lomɔ shikpɔŋ lɛ hewɔ.” 30Be ni Lamek fɔ Noa sɛɛ lɛ, ehi shi afii ohai enumɔ kɛ nyɔŋmai nɛɛhu kɛ enumɔ; ni efɔ bihii kɛ biyei krokomɛi. 31No hewɔ lɛ, be ni Lamek gbo lɛ, afii fɛɛ ni eye lɛ fee ohai kpawo kɛ nyɔŋmai kpawo kɛ kpawo.
32Be ni Noa eye afii ohai enumɔ lɛ efɔ Shem kɛ Ham kɛ Yafet.
Sélection en cours:
Jɛnɛsis 5: NEGAB
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Bible in Ga Language © Bible Society of Ghana, 2020.
