Jɛnɛsis 14
14
Abram here Lot yiwala
1Maŋtsɛmɛi ejwɛ, Babilon maŋtsɛ Amrafel kɛ Elasar maŋtsɛ Ariok kɛ Elam maŋtsɛ Kedorlaomer kɛ Goiim maŋtsɛ Tidal abei amli lɛ, 2#Deut 29.22 maŋtsɛmɛi nɛɛ fã ta amɛshi Sodom maŋtsɛ Bera kɛ Gomora maŋtsɛ Birsha kɛ Adma maŋtsɛ Shinab kɛ Zeboim maŋtsɛ Shemeber kɛ Bela ni ji Zoar maŋtsɛ lɛ. 3Maŋtsɛmɛi nɛɛ fɛɛ fee ta kome yɛ Sidim jɔɔ lɛ ni etsɔ̃ Ŋoo Ŋshɔ agbɛnɛ lɛ mli. 4Maŋtsɛmɛi nɛɛ sɔmɔ Kedorlaomer afii nyɔŋma kɛ enyɔ, shi afi ni ji nyɔŋma kɛ etɛ̃ lɛ nɔ lɛ, amɛtse atua. 5Afi ni ji nyɔŋma kɛ ejwɛ lɛ nɔ lɛ, Kedorlaomer kɛ maŋtsɛmɛi ni fata ehe lɛ ba ni amɛbaye Refabii anɔ kunim yɛ Ashterot-Karnaim. Amɛye Zuzbii anɔ yɛ Ham, ni amɛye Embii anɔ yɛ Kiriataim ŋa lɛ nɔ. 6Amɛye Horbii hu anɔ yɛ amɛgɔŋ Edom lɛ nɔ, ni amɛnyiɛ amɛsɛɛ kɛyashi El-Paran ni kã shiaŋa kplanaa lɛ naa lɛ. 7Amɛku amɛsɛɛ ni amɛba En-mishpat, (no ji Kadesh) ni amɛye Amalekbii ashikpɔŋ lɛ fɛɛ nɔ, kɛ Amorbii ni yɔɔ Hazazon-Tamar lɛ hu anɔ.
8Kɛkɛ ni Sodom maŋtsɛ kɛ Gomora maŋtsɛ kɛ Adma maŋtsɛ kɛ Ziboim maŋtsɛ kɛ Bela, ni atsɛɔ lɛ Zoar hu lɛ maŋtsɛ lɛ fã, ni amɛbagba ta yɛ Sidim jɔɔ lɛ mli, 9ni amɛkɛ Elam maŋtsɛ Kedorlaomer kɛ Goiim maŋtsɛ Tidal kɛ Babilon maŋtsɛ Amrafel kɛ Elasar maŋtsɛ Ariok bawu; maŋtsɛmɛi ejwɛ kɛ maŋtsɛmɛi enumɔ wu. 10Shi Sidim jɔɔ lɛ mli lɛ, amãtɛ#14.10: amãtɛ: kootaa bui sɔŋŋ yɔɔ jɛi. Awo Sodom kɛ Gomora maŋtsɛmɛi lɛ afoi, ni amɛnyɔnyɔi bui lɛ amli, shi maŋtsɛmɛi ni eshwɛ lɛ jo foi kɛtee gɔŋ lɛ nɔ. 11No hewɔ lɛ, maŋtsɛmɛi ejwɛ lɛ ŋɔ Sodom kɛ Gomora nii fɛɛ kɛ niyenii fɛɛ, ni amɛyiŋ amɛtee. 12#Jɛn 13.10-12 Amɛŋɔ Abram nyɛmibi Lot ni yɔɔ Sodom lɛ hu kɛ enibii kɛtee.
13Shi nuu ko ni jo foi kɛjɛ ta lɛ mli lɛ ba ni ebagba Abram, Hebrinyo lɛ ni ehe shi yɛ he ni Mamre, Amornyo lɛ, wɔŋ koo lɛ yɔɔ lɛ. Shi Eshkol kɛ Aner nyɛmi ji Mamre; ni amɛkɛ Abram ekpãŋ. 14Be ni Abram nu akɛ aŋɔ enyɛmibi lɛ nom lɛ, ekɛ etsuji ohai etɛ̃ kɛ nyɔŋma kɛ kpaanyɔ ni le ta he nii, ni afɔ amɛ yɛ ewe lɛ, fã ta, ni etiu maŋtsɛmɛi lɛ kɛtee Dan. 15Ekɛ etsuji lɛ gba ta wo amɛhe nyɔɔŋ, ni enine tsɔ̃ amɛnɔ, ni etiu amɛ kɛtee Hoba ni yɔɔ Damasko kooyigbɛ lɛ. 16Eŋɔ nibii lɛ fɛɛ kɛ enyɛmibi Lot lɛ hu kɛ enibii lɛ, kɛ yei lɛ hu kɛ maŋbii lɛ kɛku sɛɛ kɛba.
Melkizedek jɔɔ Abram
17Be ni Abram eye Kedorlaomer kɛ maŋtsɛmɛi ni fata ehe lɛ anɔ kunim ni eku esɛɛ eba lɛ, Sodom maŋtsɛ lɛ tee eyakpee lɛ yɛ Shaveh Jɔɔ ni atsɛɔ jɛi Maŋtsɛ Jɔɔ lɛ mli. 18Ni Salem maŋtsɛ Melkizedek kɛ aboloo kɛ wain ba. Ŋwɛi Flooflo Nyɔŋmɔ lɛ osɔfo ji lɛ. 19Ejɔɔ Abram ni ekɛɛ, “Ŋwɛi Flooflo Nyɔŋmɔ, ŋwɛi kɛ shikpɔŋ bɔlɔ lɛ ajɔɔ Abram; 20#Lal 76.3; 110.4; Heb 7.1-4 ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.
21Kɛkɛ lɛ Sodom maŋtsɛ lɛ kɛɛ Abram akɛ, “Ŋɔɔ migbɔmɛi lɛ ohã mi, shi haa nibii lɛ ŋɔɔ ohã ohe.” 22Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ 23akɛ kɛjɛ kpãa nɔ aahu kɛyashi tokota naa kpãa nɔ, nɔ fɛɛ nɔ ni ji onɔ lɛ, kɛji mikɔ eko fii! Koni okakɛɛ akɛ, ‘Mi, mifee Abram niiatsɛ.’ 24Miŋɔɔɔ nɔ ko nɔ ko akɛ ja nɔ ni oblahii lɛ eye kɛkɛ, kɛ hii ni kɛ mi tee lɛ, Aner kɛ Eshkol kɛ Mamre; amɛ lɛ hã ni amɛŋɔ amɛgbɛfaŋnɔ lɛ.”
Sélection en cours:
Jɛnɛsis 14: NEGAB
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Bible in Ga Language © Bible Society of Ghana, 2020.
