Versets bibliques populaires de Marko 2

Partager

Itayiru Yesu ana ette jaran jihosi, Laati hul oŋidari’to obeŋi awahi afwatan jyo akim, ati hul oŋwai’to ofwoi isi jyo akim. Abeŋ ni attu iloŋori ayijok, ati attu ni iloŋori eyyak.

Al igonyu Yesu neruk hosi ojo inyi jyo atulo ol ogolyo hwan, Illaŋ, ahohinie eyyata hoi.

Ette inyi iramana jihosi, Isyori nya sabato jyo laati, ati obeŋi isyori laati to sabato.

Ta nalwaji wati obeŋi isi iyarai atulo alya many jyo Yesu tania ette isi ’tulonia ettulit tohide haji, tohide maji an itoŋori Yesu, ette isi ililyofonia ekafit iko atulo ol ogolyo hwan.

Ati oŋida itai imijana jo owon nadwaran jyo Lonyi tulo ihohiniere eyyata wati hutta fau. Tania ojo inyi jyo atulo ol ogolyo hwan, Ajo ni jihoi, totte, obubunak ejotit hoi, ilo ihaŋ.

?Anani an ilyaha’to, ajaran hoŋ jyo atulo ol ogolyo hwan jo, Ahohinie eyyata hoi, kuyya ajaran hoŋ, Totte, obubunak ejotit hoi, tadahai?

Teyya ette inyi dyoto kwak ette bubunana ejotit honyi ette leten tohosyere hosi alet. Tania ette isi daŋ illilliha, ette itahabuyo Hollum ojori, Ebeŋ nya hohoi egonyu obo ariŋ ihwa ana.