Versets bibliques populaires de Mǒhtûlû̌hǎhtûsa 9

Partager

Htodě Cǒmaradû̌ hî̌, “He glè mǎnǎ ta̤wṳ̂dò ata̤ma̤dòǐ tacǎ. Ta̤ma̤dòǐ htǒo a glèhtû bǎ he ta sî ta lǒ̤꤮ bò ata̤htûpwa̤ ǒ sîtoǒ ta nakhlilè hǎte̤gilò̤ dě nǒkò tuhtu toǒ a ta̤khòlṳ ajokû. He noǒlṳhtò̌ kǒwǒshibo dě poǒlṳkla. Kǒwǒshibo htǒonumî̌ heta̤wṳ̂dò ata̤ma̤dòǐ ta sî ta hǎkhû̌ htǒonu hǒ.

He kè̌shǐ kǒwǒshibo ǒlṳhtò̌ dě poǒlṳkla bò̌khòtè꤮ bǎbǎ, he gènè̤htò̌to̤sǒ heta̤wṳ̂dò tûjûpwa̤ ta ata̤htûpwa̤ ǒ pṳ̂̌mi̤pṳ̂̌cǎ dě hǎkhû̌ htǒonu toǒ pě.”

Kòyòhǎkhû̌phû̌htǒo Cǒmaradû̌ bǒlò̤ sǒsǒta ana̤ akhû̌akhî, ûpèpè̌꤮ bǎbǎ a ma̤si kòyòhǎkhû̌phû̌htǒo tapwa̤pwa̤nu, kòyò ahǔwa̤ tapwa̤pwa̤ bǎ ma̤silè̌ nû̌û pě.

Htodě Cǒmaradû̌ howi̤ Nǒa ta aphû̌makhû toǒ dě a hî̌ asî, “Phû̌ǒwo̤li̤ǒphǎ lǒkho dě ǒbebò lǒkho hǎkhû̌bǎo nî̌꤮.

Ta̤ lǒ̤bò htě asò̌phlǒ htûpwa̤ ǒ dě a gugwè cû̌htocû̌lò̤ toǒnu, na ǎ asî sǒsǒta na ǎ sǒdosǒlǎ htě he ǐlò̤wǐ sînu toǒ mî̌ anî̤ hǒ. Khònò̤dě he ǐ sî pṳ̂̌꤮ tacǎ hǒ.

Ta̤phû̌ta̤li̤ lǒ̤bò htě a ǒ hǎkhû̌ toǒ, htû̌phû̌yṳphû̌ lǒ̤bò htě a wi̤ mǒla̤ toǒ, ta̤phû̌ta̤li̤ lǒ̤bò htě adû̌dû̌ apî̌tî̌tî̌nu toǒ ta tò̤phû̌ lǒ̤bò htě a ǒ shidû̌shite̤we̤kû sî toǒnu, a ǐshabò sîla̤ pě, dě a ǒbò dě sî ta̤pǒ ala̤ pě.

“Sî lè̌dě, phû̌ǒwo̤li̤ǒphǎ lǒkho dě ǒplṳ̂ǒphǎ ǒbebò lǒkho ta hǎkhû̌bǎo dě ǒpîshîcû̌bò tû̌ lǒkho gûla̤ pṳ̂̌꤮ tò̤glò nî̌꤮.”