Versets bibliques populaires de Matius 16

Partager

Tna Yesus yawe kuber wAit yawe, “Awya sai ro ksoh kro Jõ to, yako hawe sai kbe yno mfi fefo: Kbe yno bo rait u ma. Tna kbe ait yasom ara warok rait ye: Au oh mi yako hawe sai ait beroh yasom bo mase ro kbe mama mai kʼait. Tna beroh kro iso ro Jõ terif kʼait.

Nyõ nfi fraa nes ro mros yum. Bosmot anyõ matak to. Kbe Jõ sgi raa mana woJõ abyõ kʼnyõ. Feto kbe nyõ nkyas watum aJõ kʼana. Tna kbe ana smot Jõ tibyo mamo raa mana woJõ ye. Kbe ana matak toni tibyo Kabes Yabi ytai yno ana btek bo fee ye.

Kbe Jõ tbis nyõ nitrah mato re kbe raa mama truk mamo raa mana ro Allah yamo Raja ybo ye. Tna kbe bo ro Allah yawe mkair to, kbe nyõ nawe bo weto mkair mam tabam refo ye. Tna kbe bo ro Allah yawe moof to, kbe nyõ nawe bo weto moof mam tabam refo ye.”

Raa taro mawe misoh metsu rana ai mam tabam refo. Ana saso riof rana mam tabam refo sai ai, menohe mnaut mamos rana fee. Meen ana weto mhau hame wajin fee. Menohe raa taro ja saso riof rana ai mam tabam refo fee. Ana mawe mno bo woJõ. Ana saso Jõ tasom aJõ mam tabam refo. Ana weto oh mi kbe mkai riof. Ana kbe meen raa mame majat oto, menohe meen ana mkai riof ro hame wajin.

Mfi bo raa sait ykai kta mam tabam refo to beta, menohe ykai riof ro mase fee. Meen mafer rau to bawya? Ait ynaut yawe riof ro mase to, ja raa kwiyat mkah kta wana weto a?

Tna Yesus ytu kʼana yawe, “Bonaut ranu nesait nwe to Jõ fi awya?” Simon Petrus yasen yawe, “Allah ro yaam tait, Nyõ fi Ku ro Ait yare. Nyõ fi Mesias !”

Tna Yesus yawe, “Simon, ku ro Yunus yare: Raa oh mi besi kʼnyõ re nkyas meto fee. Taja oh mi besi kʼnyõ re nkyas feto. Kbe nyõ nhau simaut mase.