Versets bibliques populaires de Lucas 8

Partager

Tama or so peró andré pu lachi: oconas sinelan ondoles, sos junelando a carema sar carlochin lacho y sasto, a reterelan, y diñelan frujería andré orpachirima.

Ta or so peró andré sillofis: oconas sinelan ondoles, sos la junelan, ta se mequelan tasabar de las duas, y de la bestipen, as buchías lachias de ocona chipen, y na diñelan frujería.

Tama ondoles opré la bar: sinelan ocolas sos lillelan sar pesquital a carema, pur la junelan; ta oconas na terelan penebrís, presas á chiros pachibelan, y andre o chiros e pajanbo limbidian palal.

Y les penó: ¿Anduque sinela jire fé? Ta ondoles perelales de dal se miratáron, ta penáron os yeques á os averes: ¿Coin penchabelais sinela cabo, sos andiar araquerela á os beares, y á la doria, ta querelan or so penela?

Y ondoqueles sunparal al drun, sinelan ocolas sos la junelan, unga; tama yescotria abillela o Bengui, ta nicobela la carema del carlochin de ondolen, pa que na se chibelen sastes pachibelando.

Presas na sinela buchí pandada, sos na terele de sinar despandada: ni esparrusada, sos na terele de sinar pincherada, y andré dut abillar.

Pur a manusardi se dicó andiar pincherada, abilló dal‐ha, ta se bucharó á desqueres pindrés: ta penó anglal sari a sueti o bausale, sosque le abelia pajabado; ta sasta yescotria abelia sinado chibada mistos. Y ó penó laqui: Chabála, tun pachibelanza ha chibado tucue mistos: Chatucue en pache.

Y bigoreandose á leste, le ostináron, penando: Docurdo, que meramos: Y ó costunandose araqueró al bear, y á la tornasiba de la pani, ta mequeláron: ta sinaba querdi plescaripen.