Maatoosa 10
10
Yesuusa kiitteez taphpho nam77ii hawaarita
(Mar. 3:13-19; Luq. 6:12-16)
1Yesuusa taphpho nam77ii taamarita faako xeegii, tuna ayyanita kessod garkkennee hargge ubba pathoday garkk unttisi mawute inggeeza.
2Taphpho nam77ii hawaaritay suntha: unttikka Phixiroosa giz Simoonarannee e isha Indiraase, Zabddosa na7a Yayqqoobara e isha Waannisa, 3Filphoosa Barttolomoosa, Toomaasa qaraxe gachchisiz Maatoosa, Ilfoosa na7a Yayqqooba, Taadoosa, 4Qenena Simoonarannee Yesuusa aathii inggeez Asiqoroto Yihuda.
5Ye taphpho nam7ita Yesuusa kiittii dakkittar, «Ayihude baazitayiko yhanigipatte, ma Samaaritay katama gelippate. 6Zin Isreele karapp maaqqeez sekk dhabeez duritayiko yhanigoytta. 7Yhanigii, ‹Salo kaatetithay ukkeeza› gi odoytta.#Luq. 10:4-12 8Hargintteezita pathoytta, yhayqqeezita yhayiqoppe denthoytta, boriqontto hargger yezita geeshshii pathoytta, tuna ayyanita kessoytta. Yi cer ekkeezana cer inggoytta. 9Yi kiise worqqe, woy bira santte aykkippate. 10Yi oges qurbo, nam77ii afila, woy caamma woy gufe aykkippate; ooso oothizitayis katha koshshiza.#1 Qor. 9:14; 1 Xim. 5:18
11«Yi katama woy heera gelodar yinttan mokki ekkodayis ufayttiza atha kozhii e kara shemppoytta; yi kezii yhammad gallasa hellodayis ezayid gam7oytta. 12Ma o karakka gelittar sarothoytta. 13Ye keethay yinttan mokkiko yi sarotheez saray unttan hello, zin u mokaam ixxiko yi sarotheez saray yinttis guye maaqqo. 14Oonkka yinttan mokkowa baz maaqqikonnee yi odeezibaz si7aam ixxiko ye karttipp woy ye katamttipp kezttar yi tokel yez buli7a pittii kezoytta.#Haw. O. 13:51 15Ta yinttis turo odiza; Xooss pirdda gallas ye katamatippe Soodomesirannee Gamoora katamitayis pirdday kawuzhoda.#Mat. 11:24; Medhe. 19:24
Bayi7ith
16«Ta yinttan duritay garkk fugitay gancce dakkoda. Yey gishos, shoosh garkk ecita, holle garkk haayita maaqqoytta.#Luq. 10:3 17Asay yinttan pirdda daynnitayis aathii immada, ma Ayihuditay Woosa Keethayid yinttan alangoda. Yey gishos, unttapp naaginttoytta.#Mar. 13:9-11; Luq. 12:11-12; 21:12-15 18Ta gishos gi yinttan gade aqisizitay tiinannee kaatitay tiina kanggoda. U tiinayidannee Ayihude baa woya tiina eqqii yi tabaz markkattoda. 19Zin yinttan pirddas aathii inggodar waago ab maho gi un77inttippate; ye saate yi godbaz Xoossii yinttis immada. 20Abis giiko, yinttar maaqqii odizay yi Aday geeshsha Ayyanapp attin yinttan baaya.
21«Ishay fa isha, aday fa na7a, yhayiqos aathii immada, na7itay fana yeleezitayil afa denddii wodhoda.#Mar. 13:12; Luq. 21:16 22Ta sunthay gishos gi asii ubbay yinttan ixxoda, zin wurssith hellodayis garzheezay attoda.#Mat. 24:9; Mar. 13:13; Luq. 21:17; Mat. 24:13; Mar. 13:13 23Pettii katamapp yinttan u bayi7iko hara katama qosinttoytta. Taanii yinttis turo odiza; As Na7ay ye7od hellodayis, yi Isreele katama ubba polaamii.
24«Tamaaray fa asitamaaraypp, ayllay fa godaypp aadhooya.#Luq. 6:40; Wan. 13:16; 15:20 25Tamaaray fa asitaamara, ayllay fa goda aaziko ezis gidoda. Kara ada Bi7elzebula giiko e kara asa wayizii iissii xeegodee?#Mat. 9:34; 12:24; Mar. 3:22; Luq. 11:15
26«Yikkee, asis yashittippate, kamintteez baz qonccoda, qosintteez baz pidhdhe kezekkazar attaamii.#Mar. 4:22; Luq. 8:17 27Ta yinttis dhuma odizana yi poo7o odoytta; ta yinttis haye kale kalkkasheez baz derell afa woyas awajjoytta. 28Ashop attin shemppo wodhodayis danda7oozittayis yashittippatte. Zin shempponnee asho gaanname dhabisodays danda7iza Xoossayis aathii yashittooytta. 29Nam77ii suunnitay pettii bakkanna bayizinttoosannee? Zin, unttapp pettakka yi Aday geekkazin sa7a wodhdhii attooya. 30Hara attozin, yi omma binanaykka payidinttii yeza. 31Yikkee, gaame suunnitaypp yi aadhiz gishos yashittippate.
32«As tiina taas markkattiz ubbayis taankka salo yez ta aday tiina markkattoda. 33Zin as tiina tana kaddizana taankka salo yez ta aday tiina eza kaddoda.#2 Xim. 2:12
34«Ta sa7all saro ko7odayis ye7eeza yinttis aazppe. Ta Olapp attin sarotithi ko7odayis ye7ekkaya. 35Ta ye7eezay,
«‹Na7a adaypp
na7ato indattipp;
na7ay machchato azinay indattipp shaakkodayisii.#Mika. 7:6
36Asis morkkee e kara asita maaqqada.›
37«Taapp aathii fa ada woy fa indato dosizay, taas maaqqodayis beezooya. Fa dhiirath na7a woy fa maachchch na7ato taapp aathii dosizay, tabaz maaqqodayis beezooya. 38Fa mazqale tookkii tana kaallowa oonkka tabaz maaqqodayis beezooya.#Mat. 16:24; Mar. 8:34; Luq. 9:23 39Fa shemppo ashshodayis koyizay dhabisoda, zin fa shemppo ta gishos aathii inggizay ashshoda.#Mat. 16:25; Mar. 8:35; Luq. 9:24; 17:33; Wan. 12:25
40«Yinttan mokkizay tana mokkiza, tana mokkizay ma tana kiitteez ta ada mokkiza.#Luq. 10:16; Wan. 13:20; Mar. 9:37; Luq. 9:48 41Nabana nabe sunthar mokkizay, nabay garkk woyttinttoda; ma xillana geesh sunthar mokkizay, xillitay garkk woyttinttoda. 42Ta yinttis turo odiza; yha ta tamaaritaypp xiqqiza pettayis tana kaalliza gishos hara attozin hale haath irxxa inggiko e woyitay dhabenna» yeegeeza.
Tällä hetkellä valittuna:
Maatoosa 10: MeloNTL
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The Word for the World Ethiopia
