Pinongurugan 2
2
1Indadi noopod-o sono mongurug langit, wonuo om kiawi' asuw-o. 2Pagka noopod-o Kinoringan nu gogoma'on Niyo, mintorono yo sono Iyo so runat koturu ri,#Ibr 4:4,10 3om borokati yo Niyo runat koturu oono om urugo yo nu runat oogot po ko' kiawi' runat wokon, so' runat oono yo inintoronan Niyo mongowangun nu wonuo tu.#Kin 20:11 4Soko ono yo kotuturanan nu pinongurugan nu wonuo tu.
Si Adam om si Awa
Iya pinongowongunan nu TUHAN#2:4: So solinan iitu no, TUHAN (urup maayo), kopuinong so tangar Ibrani YHWH, om kuwai ya mongingaran Yehowa. Orati yo po nu TUHAN, pongingoranan suat so Kinoringan pointolang nu Iyo yo su mogkuasa nu kiawi' bansa om kiawi' winaal Niyo wokon. Siowan Kamus Kitab. Kinoringan nu wonuo tu, 5d'ado po linsou tumuu' om tonom-tonoman, so' dai po noposondot Kinoringan nu uran, om d'ado po lobuw mongusaa' nu tana', 6nga kuwai sungoi musit kiat so tana' mongoyopos nu dirimbou.
7Noopod iri, mongolapo yo TUHAN Kinoringan nu tana' om waalo yo Niyo nu kusoi,#2:7: So tangar Ibrani, tangar kusoi om tana' ogon-ogon muinong. om obusi yo Niyo ondung-i nu inawo om miau-o sono lobuw iiri.#1 Kur 15:45
8Kiat nu iri, momaalo yo TUHAN Kinoringan nu tonoman ingoranan Idin, so pusitan om dii yo pinopolakan Niyo nu lobuw winaal Niyo oono. 9Om potuuo yo nu Kinoringan boroginis nu puun oparu' mubua' nu owarong. So lintonga' nu tonoman oono, kuwai puun kowiau, om puun koponaak nu koilaan onu yo po owarong om oraai.#2:9: koilaan onu yo po owarong om oraai; intawa: koilaan nu onu yo po.#P'tolang 2:7; 22:2,14
10Lumuyu' bowang so Idin mongoyopos nu tonoman oono. Bowang oono opat musimpang so dilabus nu tonoman-i. 11Koido no, ingoranan nu Pison. Pongoba' no so pilolongkop nu tontong ingoranan nu Awila. 12Nai kuwai omas luun-luun, salong om watu poriasan boorogo. 13Ngaran nu bowang koduo ri Gihun. Pongoba' no so pilolongkop nu tontong ingoranan nu Kuus.#2:13: Kuus: dii so Misuputamia, intawa Sudan nu ono sono tu. 14Ngaran nu bowang kotolu ri Tigris. Pongoba' no so pusitan nu tana' nu Asur. Om bowang koopat-i ingoranan nu Iprat.
15Om popolako yo nu TUHAN Kinoringan si Adam oono so tonoman ingoranan Idin-i popongusaa'on nu tonoman oono. 16Suuo yo iyo nu Kinoringan nu, “Kowasa mu ya okanon bua' nu kiawi' puun so tonoman iitu, 17nga ono bua' nu puun koponaak nu koilaan onu yo po nu owarong om oraai-o, dai mu kowasa okanon. Bang okanon mu ono, musontului ko ya matoi,” koo.
18Mutongaro yo TUHAN Kinoringan nu, “Dai owarong ong ido-ido si Adam. Momaal Aku po nu una' niyo mutoop so iyo,” koo. 19Indadi, mongolapo yo Kinoringan nu tana', om waalo yo Niyo nu boroginis nu kulos-kulos om bombolog. Owito yo Niyo kiawi' oono dii si Adam niposiou om nipoingaran Niyo. Ono yo su impuunon nu ngaran nu kiawi' kulos-kulos om bombolog. 20Soko iri yo pinongingoranan ni Adam nu kiawi' kulos-kulos om bombolog, nga ado ido nu kulos-kulos om bombolog oono mutoop nu una' om moonabang so iyo.
21Indadi, popoturuwo yo nu TUHAN Kinoringan si Adam nu obolong. Laid niyo moturuw-i, mongolapo yo TUHAN nu tingkogang niyo ri, om souliti yo nu onsi. 22Urugo yo nu Kinoringan tingkogang iiri nu ido woinoi om owito yo Niyo dii si Adam posiou. 23Mutongaro yo si Adam nu,
“Atuuk! Itu yo su lobuw
muinong s'aku.
Tulang niyo no
ungkiat so tulang ku,
om onsi niyo no
ungkiat so onsi ku.
Ingoranan ku iyo nu woinoi,
so' winaal iyo nu Kinoringan
kiat so koyuwan nu kusoi,”#2:23: So tangar Ibrani, tangar kusoi om woinoi ogon-ogon muinong. Kusoi ingoranan nu is om woinoi ingoranan nu isya.
koo. 24Ono yo ko' koputondiang kusoi nu ino amo niyo om muido molak nu sawo niyo no, om ourug sono nosiro nu soko ido yo.#Mat 19:5; Mrk 10:7-8; 1 Kur 6:16; Ip 5:31
25Iya oono, kusoi om woinoi oono lobas, nga dai ya oiyu'an nosiro.
Tällä hetkellä valittuna:
Pinongurugan 2: TomPWPgLgPn
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 (Active), Wycliffe Bible Translators, Inc. All rights reserved.