Luc 3
3
Zan atooso mbari e Ndziami
1Tibeere aki nkumu esi e Rome, esibi emi yira kuumi na etaani. Posi Pilaate aki lepatima o Zide. Erode Atipase aki nkumu o Ngalili. Filipe okulu Erode aki nkumu a Iture bla Takonite. Lisana nkumu Abilene. 2Aane bla Kayife aki ankumu ma asi ma avuoŋi ma anini. Dzia ntini e Zan ayuhi mbari e Ndziami, Zan a muana Zakari o ntsa kayi. 3Zan opori angaala ama osiese okeri a Zurde aso. Nde otoosi mbari ndi: «Leyaha ateeme, ma olaha mbri be na ndzala okaala lebihi le be, mo vua Ndziami oboloho ambiini a be.»
4Lemihi le Ezayi owobi a mbari e Ndziami ateendi ntsa osaangumu o nde ndi:
«Mvuuru awula ankima ntsa kayi:
Be leyeese ndzila e Nkumu,
Be lesiila nde ewoombo eka tele.
5Ma adze okiisa ambie aso.
Ma adze obula ekuri eso bla enguma eso.
Ma adze osiila avunu, aka tele,
ma adze oyeese andzila ma abi.
6Ŋa baari aso amono ndi Ndziami asaha ovusaha bo.»
7Zan na lemvuuru leyi mpili e nde ma oyaha ateeme ndi: «Be mva lekaha le antaari, ayisihi be ma oduma nkala e Ndziami edze oya na? 8Lesa maami ma ave, ma olaha bu mbri be lemi kaala lebihi le be. Leka tsimiŋa be anku mbri: “Abraame taara a bisi” ni. Ŋa me eduha be Ndziami abuuna okaala akele ma, akirihi baana ma Abraame. 9Opami a Ndziami aya mva mvuuru ali na owunu o dziala ma okumuha eti mpili ekaŋa. Ŋa eti ma eli mburu e mve kali, ma adze okumuha dzo atena o mbaa.»
10Lemvuuru lepisi nde ndi: «Ŋa bisi lesa buni?» 11Nde okaali bo ndi: «Ali na amfa muele ompi buha mo, aki na biila ompi buha.» 12Atoniŋi ma lepo#3.12 Baari ma tonoho adoro a ma osi., ayi se ma oyaha ateeme, bo na Zan ndi: «E Nkumu, bisi osa buni?» 13Nde okali ndi: «Ntini e be letonoho adoro leka nyuraha mvunu ma ama pisa be ni.»
14Aworo se na Zan ndi: «Ŋa bisi, bisi se osa buni?» Nde ndi: «Lekiele okiehe ma mpa be, leka piiniha baari adoro na lebanaha le baari ni.»
Zan awobo ma edzihi e mvuuru avuli nde
15Baari ma dilihi Krisi, atsimiŋi ndi Zan oma kaha nde. 16Zan na bo aso ndi: «Ateeme a me, ateeme ma andza. Okima aya avuli me, o mua nde me nkara ntsi me i buuna otsiese endi e ma akoroho a nde ni. Nde ampa be ateeme ma Oduduma Santi, ateeme a mbaa. 17Nde oli ma lebuhu na nyengese o dziala, nde adze otsiese mfisi ntsa mburu e mve, nde adze oyaha mburu e mve olehe ma otala. Ŋa nde adze otsuha mfisi o mbaa eli i dima ni.» 18Zan otoosi Ntsia e Mve, na lempa le baari anduo.
Erode bla Zan Batise
19Zan obie na Erode a nkumu a Ngalili ma obila o nde ayahi Erodiade olehi ma andzo, na maami akimakuna ma abi a nde asi. 20O ngula maa aso, Erode ovurihi olehi Zan ongeneŋe.
Zezi ayaha ateeme
21Baari aso amana oyaha ateeme, Zezi se oyi na ayaha a nde. Ntini e nde avuonihi, yulu enahi. 22Oduduma Santi osurihi o yulu a nde mva kuumbi, dzuuhi lewi yulu ndi: «We Muana a me a dia, osuere o me oso oli o yula we.»
Ombisa o Zezi
23Zezi aki abuuna oto ekuumi ma esibi etari e nde a baani dzandza le nde. Baari atsimihi ndi nde muana Zuzefe a muana Eli. 24Eli muana Matate, Matate muana Levi, Levi muana Meleki, Meleki muana Zanayi, Zanayi muana Zuzefe. 25Zuzefe muana Matatiase, Matatiase muana Amose, Amose muana Naume, Naume muana Eseli, Eseli muana Nagayi. 26Nagayi muana Maate, Maate muana Matatiase, Matatiase muana Semeyine, Semeyine muana Yoseke, Yoseke muana Yoda. 27Yoda muana Yoana, Yoana muana Resa, Resa muana Zorobabele, Zorobabele muana Salatiele, Salatiele muana Neri. 28Neri muana Meleki, Meleki muana Adi, Adi muana Kosame, Kosame muana Elimadame, Elemadame muana Ere. 29Ere muana Zezi, Zezi muana Eliezere, Eliezere muana Yorime, Yorime muana Matate, Matate muana Levi. 30Levi muana Simion, Simion muana Zida, Zida muana Zuzefe, Zuzefe muana Yoname, Yoname muana Eliakime. 31Eliakime muana Meleya, Meleya muana Mena, Mena muana Matata, Matata muana Natame, Natame muana Davide. 32Davide muana a Zese, Zese muana Obede, Obede muana Buuse, Buuze muana Sala, Sala muana Naasone. 33Naasone muana Aminadabe, Aminadabe muana Adimine, Adimine muana Arini, Arini muana Eserone, Eserone muana Farese, Farese muana Zida. 34Zida muana Zakobe, Zakobe muana Izaake, Izaake muana Abraame, Abraame muana Tera, Tera muana Naore. 35Naore muana Seruke, Seruke muana Rago, Rago muana Faleke, Faleke muana Ebeere, Ebeere muana Sala. 36Sela muana Kena, Kena muana Apasade, Apasade muana Seme, Seme muana Nowe, Nowe muana Lameke. 37Lameke muana Atuzaleme, Atuzaleme muana Enoke, Enoke muana Yerede, Yerede muana Malalele, Malalele muana Kena. 38Kena muana Enose, Enose muana Sete, Sete muana Adam, Adam muana Ndziami.
Tällä hetkellä valittuna:
Luc 3: MDT
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
