Maatewos 10
10
Akka Yesus Jara Ufii Kudhanii Lamaanii Jabeenna Kenne
(Mar. 3:13-19; Luq. 6:12-16)
1Jennaan Yesus jara isaa kudhanii lamaanuu walti yaamee, akka jinnii nama keessaa baasanii, fayyadhabaa fi dhukkuba cufaa fayyisan jabeenna kenneef. 2Maqaan ergamtoota kudhanii lamaanii armaan jala jira, ka qaraa, Simoon ka Phexros jedhanii fi obbooleessa isaa Indriiyas; Yaaqoobii fi obbooleessa isaa Yoh. aannis, ilmaan Zabdewos; 3Filiphos fi Bartolomewos; Toomaasii fi Maatewos ka qaraxa guuru; Yaaqoob ilma Alfayoo fi Taadewos; 4Simoon, nama lafa ufii jabeessuu fi Yihudaa ka Keriyot, ka Yesus gurgure.
Jara Kudhanii Lamaan Ergan
(Mar. 6:7-13; Luq. 9:1-6)
5Jara kudhanii lamaan kana Yesus ergee, “Lafa gosa dhibii yokaan dira gosa Samaariyaa hinseeninaa. 6Ammoo gara hooliyyee baddee ta gosa Israa'el dhaqaa. 7#Luq. 10:4-12 Yaa'aa, ‘Mootummaan Waaqaa ya dhi'aatte’ jedhaa, namatti himaa. 8Nama dhukkuba qabu fayyisaa, ka du'eellee kaassaa, ka qomaaxaa qabuullee fayyisaa, jinniillee nama keessaa baasaa. Gatii malee isanii kennaanii isaniilleen gatii malee namaa kennaa. 9Warqii fi qarshii yokaan beessee dhibii hinfudhatinaa; 10#1Qor. 9:14; 1Xim. 5:18 kareerisafaa, ubbaara dhibiifaa, kopheefaa, uleellee hinfudhatinaa. Hojjattootii waan maleef argachuu malte. 11Ollaa fi dira ka seentaniifuu, nama dansaa barbaadaa, haga yaatanitti isa waliin taa'a. 12Akkuma namatti olduudaniin nagaa fuudhaa eebbisaa. 13Yo namii sun dansaa ta'e, nageennii keessan ha itti dhufuu; ammoo yo namii sun isan jalaa dide, nageennii keessan ha isanitti deebi'uu. 14#Huji. 13:51 Yo namii isan hinfuudhanne, yokaan dubbii teessan hincaqamne, yo mana sun yokaan dira sun keessaa yaatan, awwaara miila keessan irraa dhadhaadhaa. 15#Mat. 11:24 Dhugumaa, waan anin isaniin jedhuu, laftii Sodoomii fi Gomoraa guyyaa muraa dira sun irra goomti” jedhe.
Gaargala Dhufu
(Mar. 13:9-13; Luq. 21:12-17)
16 #
Luq. 10:3 Yesus itti dabalee, “Kunnoo, anin akka ilmoolee hooliyyee jidduu ya'itti isan erga; tanaaf akka bofaa qaroo ta'aa, akka sabaliisaa nagaan taa'aa! 17#Mar. 13:9-11; Luq. 12:11-12; 21:12-15 Nama eegadhaa! Isan qabanii koraatti isan geessan; ammallee manneen waldeennaa keessatti isan dhaanan. 18Mar. roo tiyyaaf hayyootaa fi jaallaboota duratti isan geessan, akka warraa fi gosa dhibiillee duratti dhugeesitan. 19Yo qorsummaa isan yaaman, waan dubbatanii fi waan jettan hinherreginaa; waan isan jettan yoma sun isanitti himanii. 20Hafuura Abbaa keessanitti isan keessaa dubbata malee namii dubbatu isaniiniti, 21#Mar. 13:12; Luq. 21:16 obbooleessii obbooleessa ufii du'atti geessa; abbaan ilma ufii akkasuma tolcha; ijoolleelleen abbootii fi haawwan ufii akkasuma tolchiti. 22#Mat. 24:9; 13; Mar. 13:13; Luq. 21:17 Mar. roo tiyyaaf namii cuftii isan jibba. Namii haga muummee obsu ammoo inbaafama. 23Yo dira tokko keessatti isan gaargalchan, ka itti aanuutti baqadhaa! Dhugumaa, anin isanitti himaa adoo ilmii namaa hindhumnee dira Israa'el cufa dandeettanii hinqixeesitan.”
24 #
Luq. 6:40; Yoh. 13:16; 15:20 “Namii wa baratu nama isa barsiisu irra hinjiru; yokaan hojjattuun abbaa ufii irra hinjirtu. 25#Mat. 9:34; 12:24; Mar. 3:22; Luq. 11:15 Namii wa baratu, yo akkuma nama isa barsiisee ta'ee yokaan garbichiilleen yo akka abbaa ufii ta'e ya taateef. Yo abbaa warraatiin, ‘Bi'e'izebul’ jedhan, warra manaa maqaa hagas irra hamaatiin yaaman” jedhe.
Akka Abbaa Sodaachuu Malan
(Luq. 12:2-7)
26 #
Mar. 4:22; Luq. 8:17 Yesus, “Tanaaf hinsodaatinaa; wantii daboolan ta daboolaa irraa hinbuqimne hinjirtuu; yokaan wantii dhossaan ta hinmullanne hinjirtu. 27Waan anin dukkana keessatti isanitti himu ibsee keessatti dubbadhaa; ammallee waan hasaasan ka dhageettan fiixee manaa gubbatti lallabaa. 28Nama nafa ijjeesee lubbuu ammoo homaa tolchuu hindandeenne hinsodaatinaa nama ammoo nafaa fi lubbuu ibidda keessa buusuu danda'u sodaadhaa! 29Cuquliisa lama beessee tokkootti gurguraniiyyuu? Ammoo yo Abbaan keessan fedhe malee, tokkoolleen lafa hinbu'u. 30Rifeensa mataa keessaniillee cufa yaayyuu hedan. 31Tanaaf hinsodaatinaa! Isan cuquliisa irra jirtanii” jedhe.
32Yesus, “Nama nama duratti naa dhugeessu cufa aniilleen Abbaa Waaqaa gubbaa duratti indhugeessaaf. 33#2Xim. 2:12 Ammoo ka nama duratti na mormatu cufa anilleen Abbaa kiyya ka Waaqaa gubbaa duratti hinmormadha” jedhe.
Foohachaa Jabduu
(Luq. 12:51-53; 14:26-27)
34Yesus ammallee dubbatee, “Waan anin nagaa lafaan dhufuu dhufe hinse'inaa; anin nagaa lafaan dhufuu hindhumnee ammoo goraadee lafaan dhufuu dhufe. 35Anin ilmaa fi abbaa walti naqaa dhufe, intalaa fi haadhaallee; niitii ilmaatii fi haadha isaallee; 36warruma namatti nyaapha namaa ta'a.”
37“Namii abbaa fi haadha ufii narra jaalatu naa hinmalle, ammallee namii ilmaan ufii narra jaalatu naa hinmalle. 38#Mat. 16:24; Mar. 8:34; Luq. 9:23 Namii fannoo ufii fudhatee na gula hindeemne naa hinmalle. 39#Mat. 16:25; Mar. 8:35; Luq. 9:24; 17:33; Yoh. 12:25 Namii lubbuu ufii qorqorachuu fedhu hindhaba; namii ammoo lubbuu ufii naa jedhee, balleessu inargata” jedhe.
Waan Galataa
(Mar. 9:41)
40 #
Mar. 9:37; Luq. 9:48; 10:16; Yoh. 13:20 Yesus, “Namii isan dhi'eessu, na dhi'eessa; namii na dhi'eessu nama na erge dhi'eessa. 41Namii raaga Waaqaa, marroo innii raaga ta'eef dhi'eessu, akka raagaa galata argata. Ammallee, namii nama qajeelaa, marroo innii nama qajeelaa ta'eef dhi'eessu, akka nama qajeelaa galata argata. 42Hubadhaa, namii marroo innii na gula deemuuf ijoollee didiqqoo tana tokko bisaan gurraachaallee obaasee, galata ufii hindhabu” jedhe.
Tällä hetkellä valittuna:
Maatewos 10: KakHaa
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
