ZABUR 8
8
Keagungan ALLAH dait keluhuran manusie
1Umaq pemimpin kor. Menurut lagu Gitit. Zabur Daud.
2Ya ALLAH, Junjungan kaji Saq Mulie,
kuase Deside kesohor léq seantéro gumi!
Keagungan Deside saq atasan léman langit tenyanyiang.
3 #
Mat. 21:16
Léman biwih bebéaq dait kanak-kanak saq masih nyusu
sampun Deside toloq dasar kekuatan lantaran lawan Deside,
jari nungkem biwih musuh dait dengan saq dendem.
4Lamun kaji serioq langit saq Deside cipteang,
bulan dait bintang-bintang saq Deside pasang,
5 #
Ayb. 7:17-18; Zbr. 144:3; Ibr. 2:6-8 napi manusie nike, sehingge Deside ilingang ie,
sai ie, sehingge Deside merhatiang ie?
6Laguq Deside angkat ie jangke gen pade kance Allah,
Deside icanin ie mahkote keagungan dait kehormatan.
7 #
1Kor. 15:27; Ep. 1:22; Ibr. 2:8 Deside icanin ie kuase tipaq selapuq alam semeste,
selapuq ciptean Deside, sampun Deside taklukang tipaq ie:
8Dombe, sampi dait ternak selapuqne,
maraq nike éndah binatang léq tanaq lendang saq galuh;
9kedit-kedit dait empaq-empaq,
selapuq mahluk léq dalem segare.
10Ya ALLAH, Junjungan kaji Saq Mulie,
keagungan Deside kesohor léq seantéro gumi!
Tällä hetkellä valittuna:
ZABUR 8: LAISAS
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään