Malaquías 3
3
1Lapanta mandaq Tayta Dios kaynömi nin: <<Nänita pitsaqno runakunata kamarikatsinanpaqmi wilakuqnïta puntäta kachashaq.#Mat. 11.10; Mar. 1.2; Luc. 1.76; 7.27. Tsaypitanami shuyaykashqayki mandaq chayamur elaqpita templuman yaykunqa. Paymi qamkunawan pactu rurashqäta wilakunqa. Rikayta munashqayki wilakuqqa chayamunqanami.
2<<Payqa jutsa rurashqaykipita purificashunaykipaq imaykatapis ushaq ninano y taqshakuna jabonnömi kanqa.#Mat. 3.10-12. Tsayno kaykaptinqa chayamuptin ¿piraq awantanman? Tsaynöpis paypa nawpancho ¿piraq ichiranman?#Joel 2.11; Apoc. 6.17. 3Payqa qorita y qellayta ninawan tsulutsir qanrata jorquqnömi levitakunata purificanqa. Noqa munashqänöna sacrificiukunata altarcho rupatsipäkuptinqa 4Judá y Jerusalén runakuna sacrificiuta apamushqankunata kushishqami chaskishaq. Unay aylunkuna sacrificiukunata apamuptin chaskishqänömi paykuna apamuptinpis kushishqa chaskishaq>>.
5Lapanta mandaq Tayta Dios kaynömi nin: <<Kikïmi qamkunata juzgashayki brüjuta ruraptiki, majayuq kaykar jukwan kakuptiki, jutïcho promitirkur mana cumpliptiki, arutsishqayki runata mana pägaptiki, viüdata y waktsata nakatsiptiki, jäpa runata mana ali rikaptiki y mana mantsakamaptiki>>.
Diezmuta y ofrendata apananpaq nishqan
6<<Noqa Tayta Dios imaypis promitishqätaqa cumplïmi.#Núm. 23.19; Heb. 13.8; Stg. 1.17. Tsaymi unay ayluyki Jacobta promitishqäta#Gén. 28.13-15; 35.10-12. cumplir qamkunata mana ushakätsishqätsu. 7Tsayno kaptinpis qamkunaqa unay ayluykikuna kawashqanpita patsami leynïkunata mana cumplipäkunkitsu. Tsaymi lapanta mandaq Tayta Dios kar kayno nï: ¡Noqaman kutipäkamuy! Noqaman kutimuptikiqa yapaymi yanapashayki.#Isa. 55.7; Zac. 1.3.
<<Tsayno niykaptïpis qamkunaqa kaynömi nirkaykanki: <¿Imatataq mana cäsukärishqätsu?>
8<<Qamkunaqa suwapaykämanki>>.
<<Tsayno niptïmi qamkunaqa kayno nirkaykämanki: <¿Imatataq qamta suwapashqä?>
<<Qamkunaqa suwapämashqanki diezmuta y ofrendata mana apamurmi. 9Qamkunaqa lapan nacionnikiwan suwapämashqaykipitami maldicionädu karkaykanki.
10<<Diezmukunata lapanta wayïcho kaykaq almacenman apapäkamuy. Tsaymi wayïcho tsaytsika mikuy kanqapaq. Tsaynömi ciëlu punkuta kichar qamkunaman bendicionnïta putsuy putsuy churamushaq. Rasunpa churamunäpaq kashqanta musyanaykipaq mä diezmuta apapäkamuy.#Lev. 27.30; Deut. 12.6; 14.22-29; 26.12; Neh. 13.12; Eze. 44.29-31. Noqa lapanta mandaq Tayta Diosmi tsayno nï. 11Mikuy ushaq kurukunata ushakätsiptïmi chakraykikunacho mikuynikikunapis ali wayunqa y üvaykikunapis tampiyparaqmi wayunqa. Noqa lapanta mandaq Tayta Diosmi tsayno nï. 12Markayki maypis täkuypaq kaptinmi lapan nación runakunapis munapanqapaq. Noqa lapanta mandaq Tayta Diosmi tsayno nï>>.
Cäsukuq kaqkunata kuyapänanpaq nishqan
13Mastapis Tayta Dios kaynömi nin: <<Qamkunaqa noqapa conträmi rimapäkushqanki.
<<Tsayno niykaptïpis kaynömi nipäkamanki: <¿Imatataq contrayki rimapäkushqä?>
14<<Qamkunaqa conträ rimar kaynömi nipäkushqanki: <Manakaqlapaqmi Diosta sirvintsi. ¿Imalapaqtaq leyninkunatapis cäsukuntsi? Jutsata rurashqantsipita lakikuptintsipis lapanta mandaq Tayta Diosqa manami cäsumantsitsu. 15Orgullösu runakunaqa kushishqami kawapäkun. Jutsa ruraqkunapis rïcumi karkaykan. Tayta Diosta mana cäsukuptinpis paykunataqa manami castigantsu> >>.#Mal. 2.17.
16Tsaymi Tayta Diosta mantsakuq runakunaqa wilanakur shakyätsinakurqan payta imaypis cäsukärinanpaq. Tsayno wilanakushqanta mayarmi Tayta Diosqa rölluman jutinkunata nawpancho qelqatsirqan imaypis yarparänanpaq.
17Lapanta mandaq Tayta Dios kaynömi nin: <<Juzganä junaqmi tsay runakunata kuyapäshaq. Cäsukuq tsurinta papänin kuyapashqannömi noqapis paykunata kuyapäshaq.#Sal. 103.13. 18Tsaymi runakuna yapay tantiyapäkunqa cäsukamaqkunata kuyapashqäta y mana cäsukamaqkunata castigashqäta, sirvimaqkunata ali rikashqäta y mana sirvimaqkunata mana ali rikashqäta>>.
Tällä hetkellä valittuna:
Malaquías 3: qvmB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2003, Wycliffe Bible Translators, Inc. All rights reserved.