Chhóng-sṳ Ki 13

Â-pak-làn lâu Lò-tet Pûn Kâ

1Â-pak-làn tai-tén kiâ pû-ngiòng lâu Lò-tet, pin yit-chhiet só-yû ke, tui Âi-khi̍p hiong-pet hàng to-chón Kâ-nàm ke nàm-phu. 2Â-pak-làn tông hó-ngiak, yû chhin-tô ke kîm-ngiùn lâu thèu-sâng. 3Heu-lòi kì lì-khôi ke-vi, chhiam-chhiam hiong-pet hi Pak-thi̍t-li. Kì chón-to Pak-thi̍t-li lâu Ngie ke chûng-kiên, chhiu-he kì thèu-pái tap chong-phùng, 4hí chi-thàn ke só-chhai; kì chhiu chhai ke-vi khiù-ham Song-chú ke miàng.

5Lâu Â-pak-làn khiung-ha hàng ke Lò-tet, ya-yû ngiù-khiùn, yòng-khiùn lâu chong-phùng. 6Kì lióng-kâ ke ngiù-khiùn, yòng-khiùn thet-tô, ke thi-fông mò-la thai, yùng-na̍p m̀-hâ, sṳ́ kì-têu mò phan-fap khiung-ha he̍t. 7(Tông-sṳ̀, Kâ-nàm-ngìn lâu Pí-li-sé-ngìn hàn he̍t chhai ke-vi.) Â-pak-làn ke mu̍k-ngìn lâu Lò-tet ke mu̍k-ngìn sòng-sòng châng thi-phàn.

8Â-pak-làn chhiu tui Lò-tet kóng: “Ên he kut-ngiuk chṳ̂-chhîn; ngì lâu ngài m̀-hó siông-châng, ngì ke mu̍k-ngìn lâu ngài ke mu̍k-ngìn ya m̀-hó siông-châng. 9Ên lòi fûn-khôi! Ngì khon, thèu-chhièn hàn-yû yit thai-phién ke thú-thi; ngì sién yu-phién, ngài chhiu sién chó-phién; ngì hàng chó-phién, ngài chhiu hàng yu-phién.”

10Lò-tet hiong si-mien khon, khon-tó Yok-tan-hò yit-chhṳ̍t to Só-ngí ke thi-fông he phìn-ngièn, súi-ngièn chhûng-chiuk, chhiong Song-chú ke yèn#13:10 “Song-chú ke yèn” he chṳ́ to Yî-thien-yèn., yu chhiong Âi-khi̍p ke thú-thi. (Ke-sṳ̀, Song-chú hàn-màng sêu-me̍t Só-tô-mâ lâu Ngò-mô-lâ.) 11Lò-tet chhiu tho̍k Yok-tan-hò ke-phién phìn-ngièn, sái-hiong tûng-phién hi. Kì lióng-sà chhiu án-ngiòng fûn-khôi. 12Â-pak-làn he̍t chhai Kâ-nàm; Lò-tet he̍t chhai hò ke-phién phìn-ngièn ke sàng-chṳ́n, chui-heu chiông chong-phùng sái-to Só-tô-mâ fu-khiun. 13Só-tô-mâ-ngìn chhai Song-chú mien-chhièn chhui-thai ok-khi̍t.

Â-pak-làn Sái-to Hî-pak-lùn

14Lò-tet lì-khôi Â-pak-làn yî-heu, Song-chú tui Â-pak-làn kóng: “Ngì oi chhai só-khî ke thi-fông, hiong tûng-sî nàm-pet khon. 15Ngài oi chiông ngì khon-tó liá só-yû ke thú-thi lûng-chúng su-pûn ngì lâu ngiâ chṳ́-sûn; liá thú-thi oi yún-yén kûi-su̍k ngì-têu. 16Ngài oi sṳ́ ngì ke chṳ́-sûn chhiong thi-song ke nài-sâ án-tô; ngìn na son tet-chhut thi-song ke nài-sâ, chang son tet-chhut ngì ke chṳ́-sûn yû kí-tô. 17Hong-hí-lòi! Hi hàng-theu liá-te thi; Ngài oi chiông liá-vi su-pûn ngì.” 18Â-pak-làn chhiu chiông chong-phùng sái-to Hî-pak-lùn, chhai Man-li ke siong-su fu-khiun he̍t; kì chhai ke-vi vi Song-chú hí yit-chho chi-thàn.

Tällä hetkellä valittuna:

Chhóng-sṳ Ki 13: THV12Rdb

Korostus

Jaa

Kopioi

Haluatko, että korostuksesi tallennetaan kaikille laitteillesi? Rekisteröidy tai kirjaudu sisään

Lisätietoja käännöksestä HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 13

Suosittuja jakeita Raamatun kirjasta
Chhóng-sṳ Ki 13

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 13

Chhóng-sṳ Ki 13

Suosittuja jakeita Raamatun kirjasta Chhóng-sṳ Ki 13

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 13

Suosittuja jakeita Raamatun kirjasta
Chhóng-sṳ Ki 13