Chhóng-sṳ Ki 11

Pâ-phe̍t-thap

1Yit khôi-sṳ́, thiên-ha ngìn ke khiéu-yîm khiung-yong, kóng khiung-yong ke fa. 2Kì-têu chhai tûng-phién sái-lòi sái-hi, chhai Pâ-pí-lùn chhìm-tó phìn-ngièn, chhiu he̍t chhai ke-vi. 3Kì-têu khiung-ha chhâm-siòng kóng: “Lòi ô! Ên-têu lòi cho chôn-é, chiông chôn-é sêu-ngang.” Kì-têu chhiu nâ chôn-é chún sa̍k-thèu, yu yung mâ-kâu chún ngiàm-fôi. 4Kì-têu kóng: “Ên lòi hí yit-chho sàng, tî-poi oi yû kô-to tù-thiên ke thap, lòi chhòn-yòng ên-têu ke miàng, miên-tet ên-têu fûn-san to sṳ-kie kok-thi.”

5Song-chú hâ-lòi, oi khon sṳ-kiên ngìn só-hí ke sàng lâu thap. 6Song-chú kóng: “Khon nâ! Kì-têu he khiung yit-ke mìn-chhu̍k, kóng khiung-yong ke fa; liá-ha kì-têu khôi-sṳ́ cho liá-sṳ, yî-heu kì-têu sióng cho ke sṳ chhiu mò má-ke cho m̀-tó ke. 7Lòi â! Ên-têu hâ-lòi hi, chhai ke-vi pien-lon kì-têu ke khiéu-yîm, pûn kì-têu mò fap-thu fu-siông kiêu-thûng.” 8Án-ngiòng, Song-chú chiông kì-têu tui ke-vi fûn-san to chhiòn sṳ-kie; kì-têu chhiu thìn-kûng mò hí ke-sàng lé. 9Yîn-vi Song-chú chhai ke-vi tá-lon ngìn-lui ke khiéu-yîm, chiông kì-têu fûn-san to sṳ-kie kok-thi, só-yî liá-chho sàng ham-cho Pâ-phe̍t#11:9 “Pâ-phe̍t” ya-he yi̍t-cho “Pâ-pí-lùn”, yû “pien-lon” ke yi-sṳ..

Sám ke Heu-thoi

(Li̍t-thoi-chṳ Song 1:24-27)

10Yî-ha he Sám ke heu-thoi. Thai-súi heu thi-ngi ngièn, Sám yit-pak se ke sṳ̀ kiung Â-fap-sat. 11Sám kiung Â-fap-sat yî-heu, hàn chhai-sṳ ńg-pak ngièn, yu sên-yông chṳ́-ńg.

12Â-fap-sat sâm-sṳ̍p ńg-se ke sṳ̀ kiung Sâ-lâ. 13Â-fap-sat kiung Sâ-lâ yî-heu, hàn chhai-sṳ si-pak làng sâm-ngièn, yu sên-yông chṳ́-ńg.

14Sâ-lâ sâm-sṳ̍p se ke sṳ̀ kiung Hî-pak. 15Sâ-lâ kiung Hî-pak yî-heu, hàn chhai-sṳ si-pak làng sâm-ngièn, yu sên-yông chṳ́-ńg.

16Hî-pak sâm-sṳ̍p si-se ke sṳ̀ kiung Fap-le̍t. 17Hî-pak kiung Fap-le̍t yî-heu, hàn chhai-sṳ si-pak sâm-sṳ̍p ngièn, yu sên-yông chṳ́-ńg.

18Fap-le̍t sâm-sṳ̍p se ke sṳ̀ kiung Lâ-ǹg. 19Fap-le̍t kiung Lâ-ǹg yî-heu, hàn chhai-sṳ lióng-pak làng kiú-ngièn, yu sên-yông chṳ́-ńg.

20Lâ-ǹg sâm-sṳ̍p ngi-se ke sṳ̀ kiung Sî-lu̍k. 21Lâ-ǹg kiung Sî-lu̍k yî-heu, hàn chhai-sṳ lióng-pak làng chhit-ngièn, yu sên-yông chṳ́-ńg.

22Sî-lu̍k sâm-sṳ̍p se ke sṳ̀ kiung Nâ-ho̍k. 23Sî-lu̍k kiung Nâ-ho̍k yî-heu, hàn chhai-sṳ lióng-pak ngièn, yu sên-yông chṳ́-ńg.

24Nâ-ho̍k ngi-sṳ̍p kiú-se ke sṳ̀ kiung Thâ-lâ. 25Nâ-ho̍k kiung Thâ-lâ yî-heu, hàn chhai-sṳ yit-pak sṳ̍p-kiú ngièn, yu sên-yông chṳ́-ńg.

26Thâ-lâ chhit-sṳ̍p se ke sṳ̀, yí-kîn cho Â-pak-làn, Nâ-ho̍k, Ha̍p-làn ke â-pâ.

Thâ-lâ ke Heu-thoi

27Yî-ha he Thâ-lâ ke heu-thoi. Thâ-lâ kiung Â-pak-làn, Nâ-ho̍k, Ha̍p-làn. Ha̍p-làn kiung Lò-tet. 28Ha̍p-làn sí chhai ku-hiông Pâ-pí-lùn ke Ǹg-ngí ke sṳ̀, kiâ-pâ Thâ-lâ hàn-chhôi. 29Â-pak-làn lâu Nâ-ho̍k lûng thó pû-ngiòng; Â-pak-làn ke pû-ngiòng miàng-ham Sâ-lòi; Nâ-ho̍k ke pû-ngiòng miàng-ham Me̍t-kâ, he Ha̍p-làn ke moi-é; Ha̍p-làn he Me̍t-kâ lâu Yi̍t-kâ ke â-pâ. 30Sâ-lòi m̀-voi kiung, mò se-ngìn-è.

31Thâ-lâ tai-tén lai-é Â-pak-làn, lâu kiâ sûn-é Lò-tet, chhiu-he Ha̍p-làn ke lai-é, pin kiâ sîm-khiû Sâ-lòi, chhiu-he Â-pak-làn ke pû-ngiòng, lì-khôi Pâ-pí-lùn ke Ǹg-ngí, oi hi Kâ-nàm-thi. Kì-têu to Ha̍p-làn chhiu he̍t chhai ke-vi. 32Thâ-lâ lióng-pak làng ńg-se ke sṳ̀, chhai Ha̍p-làn ko-sṳ̂n.

Tällä hetkellä valittuna:

Chhóng-sṳ Ki 11: THV12Rdb

Korostus

Jaa

Kopioi

Haluatko, että korostuksesi tallennetaan kaikille laitteillesi? Rekisteröidy tai kirjaudu sisään

Lisätietoja käännöksestä HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 11

Suosittuja jakeita Raamatun kirjasta
Chhóng-sṳ Ki 11

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 11

Chhóng-sṳ Ki 11

Suosittuja jakeita Raamatun kirjasta Chhóng-sṳ Ki 11

Raamattu:

Hakkafa (Roman script)

Käännös: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 11

Suosittuja jakeita Raamatun kirjasta
Chhóng-sṳ Ki 11