Suosittuja jakeita Raamatun kirjasta YOHAAN 6

Jaa

Yesus ki o uni gwo mo ki: Aha/ tana maa gi mondiki/e mo be. A’diyin jin yayi’di aha/ mo tani mina ṯe/ diki bu’th mo, dhali a’di jin gam aha/ gwo is mo tani mina yi’de/ diki bu’th ki sule/ mo be.

A’di ta shi/in jin c̱i moŋ’koki/e mo. Buŋgwar is a’di aṯẖa/aṯẖ mo. Gwo jin ṯorka/ um mo tani uni ta shi/in dhali moŋ’koki/e mo be.

Dhalku/ ki miiya ṯu’c gom tonṯe/ mo jin midi ’ce’d sho’k mo hili gom tonṯe/ jin midi ’dim ’kup̱ ntagi moŋ’koki/e ki sule/ sule/ ya ye ’ba/ mo, a’di jin mina Ya/ gi ’Kwani ic̱i um mo. Haali/ e a’di mo tani Arumgimis jin ta Com mo a’di ’dap̱ki gwom piti ’twa/ ki a’di mo be.

Haali/ a’di yansan ita bwa ma Babam pem mo, ki aris ’kwani ’baar mo ka ’deṯe/ ’deṯe/ kun p̱arki Ya/ e mo dhali gam gwo is e a’di mo tani mini ’taki ta gi moŋ’koki/e ki sule/ sule/ ya ye ’ba/ mo. Dhali aha/ mina ’de’k uni ka cim jiŋ ’ko’d mo be.

Yesus ki thoḵ uni gwo mo ki: Mii yaase a’di ta mii jin minu mii goma Arumgimis mo ba/ ki um mini gam a’di gwo is mo, a’di jin hashkina a’di ki yayu/ mo be.

Aris uni ’baar mo kun c̱ikin ma Baba aha/ mo tani uni mini iiyu/ i aha/ mo, dhali a’di jin midi yayu/ i aha/ mo tani aha/ mina diki ur a’di ka pije/ mo be.

Simaan Buṯerus ki thoḵ a’di gwo mo ki: Tap̱a, ki am mina ii aja mo? Ki /e a’di ita gi gwo gi mondiki/e ki sule/ sule/ ya ye ’ba/ mo.

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

Wathin ṯal ’deŋ kamu/ yisa di’da jin midi yayu/ i aha/ isi ciki/ Ababa jin hashki aha/, a’di dirki a’di mo. Dhali aha/ mina ’de’k a’di ka cim jiŋ ’ko’d mo be.

Haali/ maa ma Arumgimis a’di ta a’di jin p̱u’dki’da ’cesh ’peni momis mo dhali c̱i mondiki/e e ’kwaniny’cesh mo.

Aha/ tana maa gi mondiki/e mo be.

Yan’ko’d Yesus ki bu’th maaŋḵuthu’d mo dhali ki a’di ’borki’da ’bor bwa i is mo tani a’di ki c̱iki uni gwansan kun ’kokina ’cesh mo. Dhali to yi’de/ si’da/ miikunu wakansan mo me’d jin ŋap̱kina uni a’di mo be. Dhali ki shwam buni jin shwakina uni a’di ikap̱ mo tani a’di ki ṯor imanciḵ a’di gwo gwo mo ki: Tuli kuluny maa kun uru ’kup̱ is mo ki jan ṯal ’deŋ kamu/ minu ’taki diki this e mo be.

Dhali ki uni ’koshki cwa is me’d ŋaṯgini kwara mo walla idoŋon mo tani uni p̱arkina Yesus e mo mmoya ki sho’k e ’kup̱a al mo dhali a’di ’dishki’da ḵur is mo be. Dhali uni ḵo/kina ḵo/ is kagahara mo. Hili a’di ki o uni gwo mo ki: Aha/ a’dan be. Dhalku/ is ki ḵo/ mo ma.