Suosittuja jakeita Raamatun kirjasta YOHAAN 10

Jaa

’Kwanin ’di/ uni p̱u’dkin mo mmoḵwal to jasi ’te/ mo dhali mmo’kosha ’kosh mo dhali mmo’ce’da ’ce’d sho’k mo. Aha/ p̱u’dkina mo ki uni mini ta gi moŋ’koki/e mo dhali mmota gi a’di ki nyanye/ mo be.

Aha/ tana manhil ḵa’bal jin ’boro’d mo. Amanhil ḵa’bal jin ’boro’d ki kar mondiki/em piti a’cesh gom ḵa’bal mo be.

Ḵa’bal pem ciḵki ’twam pem mo dhali aha/ misha uni mo dhali uni baṯẖki aha/ nsho’k mo be.

Dhali aha/ c̱ina uni moŋ’koki/e ki sule/ ya ye ’ba/ mo be. Dhali uni mini ’koki ’ce’d sho’k ki sule/ mo. Dhali wathin ṯal ’deŋ kamu/ midi diki sul uni mo ’peni me’d pem mo be.

Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.

Aha/ tana manhil ḵa’bal jin ’boro’d mo. Aha/ misha kum pem mo dhali kum pem mishi aha/ mo be.

Ababam pem a’di jin c̱iki uni aha/ mo tani a’di ica’d ki uni ’baar mo dhali wathiŋ kamu/ yisa di’da jin midi mish sul uni mo ’peni me’d ma Babam pem mo be. Aha/ dhala Baba, aman ṯala ’de/ mo be.

Me’d jin mishkin ma Baba aha/ mo tani dhali aha/ misha Ababa mo. Dhali aha/ karkina mondiki/em pema ’cesh gom ḵa’bal mo be.

Wathin ṯal deŋ kamu/ yisa di’da jin midi bu’th a’di ’peni aha/ mo, hili aha/ karkina a’diya ’cesh ki bwam pem gana/ mo. Aha/ tana gi mom’bi’th mo mmokar a’diya ’cesh mo dhali aha/ tana gi mom’bi’th mo mmobu’th a’di doḵ/e mo be. Gwoŋḵan yan bu’thkika/ ’pena Babam pem mo be.

Wakan Yesus ki o uni gwo doḵ/e mo ki: Aha/ ṯora um gwo mo ki: Aha/ tana ’twaŋkal gom ḵa’bal mo be.

Hili a’di jin mii to ka guurush mo dhali diki ta manhil ḵa’bal mo tani dhali ḵa’bal ’koki ta kum piti mo tani ki a’di p̱arki’da wu e mo mmoyayu/ mo tani a’di ki dhal ḵa’bal ’pen mo dhali gus mo be dhala wu ki bu’th uni mo dhali c̱eker uni bwa mo be.

Ka jiŋ gana/, ka jiŋ gana/ aha/ ona um ki a’diyin jin diki se ki ’twaŋkala goŋ ḵa’bal mo, hili ise ki bwaya kamu/ mo tani a’di ta wathin ’di/ mo dhali jin ta’da mandil to mo be.