Suosittuja jakeita Raamatun kirjasta Màtíyò 19

Jaa

Á Yésù góomkɨ́ ŋgáb u̧u̧, ŋgə́ ɨ́ tà: «Nɨ́m kɨ́ du nɨ yɔ́klîn péín nɨ̀vɨ́tɨ̀bì á. Kɨ́ Mèèín, nɨ́m yɔ́k ŋgéé nɨ ɗàà.»

Ɓè kɨ́ ŋgáb tɨ̀ bɨ bɨrɨ́b dùcɨ̀r, ŋgáb ɓacɨ bɨ dùnɨ mwi̧ á. Àm kɨ́ á du: nɨ́m Mèín ɓanndé, nɨ̀vɨ́tè nɨ gɔ̀ɔ̀kɨ̂r.»

Yésù ɨ́ pìhè: «Nyí ya nɨ́ nɨ́m káàtà Mèèín ya wáaré fàìnwá à? ‹Yààr ɗɔ̀bí, ɓwâ Mèín yi nyaŋhȩ ɗɔ̀bí, ŋgə́ yi nyaŋhi̧í̧ nɨ̀ŋgwá ɓe nɨ̀gwi›, ɗà ŋgə́ ɨ́ tà: Ɓe àm kɨ́ á nɨ̀ŋgwá kwá mbɨ́k tá noò ɓe yà nóò, ŋgə́ a gì dùnɨ ɓe gwi noò, ŋgáb a dùcɨì bɨ́ mwi̧.

Á Yésù ta: «Mbɨ́knáam mucutɨ́b, ŋgáb gò yɨ́ moò, nyí ŋgáb hàrɨ̀wá, ɓetí Ŋgɔ̧́ɔ̧̀ Mèèín ók nɨ́ ɓe nùb fɨ́te ŋgábè á.»

Ɨ́dù, nɨ̀vɨ́tɨ̀b ví̧i̧ du tíí ɗàròò ɓa dùcùnɨ cùrì á. Nùb duce cùrì ɗàròò ɓacuce dùnɨ tíí á.»

Ɓe ɨ́r moò, nùb kwá mbɨ́kkɨ́so dúhɨ́b ɓoò, tɨ́ŋgwáhin ɓoò, mȩȩ́gwi̧nɨ́b ɓoò, tá ɓoò ɓe yà ɓóò, munɨ́b ɓoò ɓe mwaai ɓoò lâs, ŋgáb kwá kwacu gwì təmərì ŋgób ɗà ŋgáb a kwà mè mɨ̀cɨ̧̀ɨ̧́!

Yésù ɨ́ tà: «Óo wu ɗúú dùnɨ hàrák, gɨm, sə́rɨkɨ́ɨm njɔdì woò lâs, wu a gɔ̀knà nùb tiri mwèìn kɨ́, ɗà wu a gò mɨ tùnɨ. Wu ɓa kwànɨ njɔdì ɓɨllin á.»

Yésù ɨ́ tànà ŋgə́: «Àm níì á wu fɔ́ce mɨ fɔ́ ɓe ɨ́r nɨ́m du nyɔ̧né? Sé Mèín mwi̧ ɨ́ du nyɔ̧ɔ̧́. Wu ɨ́ ɗû lénɨ ju mèè kɨ́ no, jəŋ ɓíhɨ̀b.»

Mɨ wáanakwatɨ́ nyí ɨnè: Á ɓí ŋgɨ̀rɨ̀mà ndóŋhó̧ mvì batallì no, ɨ́dù kɨ́ nò njɔdìì lə́ Haam Mèèín noò á ndóŋɓàgɨ̀ ɓí.»

Nɨ́m mwi̧ mɨ tana nyí wááŋ á, nɨ̀ŋgwá kù ɨ́ ŋgɨ́íɓà gwi noò, u̧ kɨ́ gwi kɨ́ nɨ mààŋ ndɨ̀ŋwá, ɗà nɨ̀ŋgwá kɨ́ ɨ́ ɓùndôŋ nò tíí, ŋgə́ ɗə̀ə̀ŋɓàtɨ ní ndɨŋtɨ́ mààŋ.»

Kí á Yésù tana nɨ̀fuùb noò ɨnè: «Mɨ tanaɓa nyí àmɨɨr wááŋ á, ɓa nɨ dùɓà nɨ ɓí ɓe nò njɔdìì lénɨ Haam Mèèín no á yáà!