Suosittuja jakeita Raamatun kirjasta Génesis 17

Jaa

Abram isqun chunka isqun (99) watayuq këkaptinnam TEYTA DIOS yuripurnin nirqan: <<Noqam kä El-Shaddai. Ninqaqkunata cäsukur jutsannaq kawakunki.

Kananpitaqa manam Abramnatsu shutiki kanqa, sinöqa Abrahamnam. Tsënöqa shutiki kanqa atska nación nunakunapa tëtan kanëkipaq churashqa kaptiqmi.

<<Kë pactuqa manam qamllapaqtsu kanqa, sinöqa tsurikikunapaq, willkëkikunapaq, willkëkikunapa tsurinkunapaq y pëkunapa mas mirëninkunapaqwanmi. Kë pactutaqa imëpis cumplishaqmi. Qampa Diosniki kanqänömi qampita mirënikikunapapis Diosninkuna kashaq.

<<Pactu rurashqäta cumplirmi churashqëki atska nación nunakunapa tëtan kanëkipaq.

Tsënö niptinnam Teyta Dios nirqan: <<Manam Ismaelpaqtsu nikaq, sinöqa warmiki Sarachö yurinanpaq kaq tsurikipaqmi. Tsë tsurikipa shutinmi kanqa Isaac. Pactu rurashqäqa Isaacpaq y pëpita miraqkunapaqmi imëpis kanqa.

Forastërunö tëkanqëki Canaánchö markakunatam qoykushqëki. Tsënöllam mirënikikunatapis qoykushaq imëyaqpis tsëchö täräyänanpaq. Pëkunapa Diosninmi imëpis kashaq>>.

Teyta Dios tsënö niptinmi Abraham yapë lätëkur shonqunllachö asikur kënö yarparqan: <<Juk pachak (100) watayuq këkarninqa ¿imanöpam warmïtapis tsurï kananpaq qeshyaqyätsïman? Y Sarapis isqun chunka (90) watayuqna këkar ¿imanöpanam qeshyaqyanman?>>

Jina Teyta Dios Abrahamta nirqam: <<Kananpitaqa warmikipa shutinpis manam Sarainatsu kanqa, sinöqa Saranam.

Señalakurqa compañonnikikunapa puntanpa qarantam roquyänëki. Tsënö señalakurmi pactu rurashqäta chaskiyanki.

Tsënö kaptinpis pactu rurashqäqa Sarachö yuriq tsuriki Isaacpaqmi kanqa. Watan kënö witsanqa Sara wawayuqnam këkanqa>>.

Kananpitaqa ollqu yuriq kaqtaqa puwaq junaqyuqllaraq këkaptin compañonninchö señalayanki. Makikichö yuriqkunatapis y juk nacionpita sirwishuqnikipaq rantinqëki nunakunatapis señalayanki. Pactu rurashqäta imëpis yarpäyänëkipaq llapëki mana qonqëta señalakuyanki.