Suosittuja jakeita Raamatun kirjasta Génesis 1

Jaa

Tura Yuus chichaak: “Namak ainan, nanamtin ainan, kuntin ainan, tura japinas wekain aina nunasha nagkasau atin yamaika shuar iya jumamtinak najanami”, tusa tinaiti. Tusa niya numamtinan aishmagkun nuwajai najanawaiti.

Tura namak aina, nanamtin aina, kuntin aina, tura japinas wekain aina nusha nagkasau atinaitrume, tusa Yuus pegkernum chicharkauwaiti.

Yuus yama nagkamchakka nayaimpin, tura nugkancha najanawaiti.

Turasha nugka atinka nayantsajai pachimnaik káshi jas ajakuiti. Tumakaisha Yuusa Wakaní nayantsanam muchitu jakuiti.

Iman jas aun Yuus chichaak: ¡Tsaaptin atii! tusa tinaiti. Tusa tamauwaik tsaaptin jasuiti.

Yuus nuna ashi najanak umik pegker iisuiti. Nu aina najankamunam seis tsawan tumain uminkauwaiti.

Tumamtai Yuus pegker iisuiti. Tura tsaaptinan káshijai akankauwaiti.

Tura Yuus chichaak: “Arak neren ainan, tura númi neren ainancha ashi umirkajrume. Nu ainaka atum yuatin ainawai”, tusa tinaiti.

Tura tsaaptina juka “tsawai tutai atii” tusa tinaiti. Tura káshia juka “káshi tutai atii” tusa tinaiti. Nu aina najankamunam chikichik tsawan tumain uminkauwaiti.

Nunikmatai Yuus chichaak: “Entsan kanakiarti” tusa tinaiti. Tusa tamauwaik entsa aina kanakiaruiti.

Tura kuntin ainan, nanamtin ainan tura japinas wekain ainancha chicharuk: “Atum yuatnurminka nupa ainan ashi umirkajrume” tusa tinaiti. Timau asa imanisag uminkauwaiti.

Yuus chichaak: “Nugkan tsaaptin amajsatin aina, tsawai etsantratnusha tura káshi etsantratin ainasha nayaimpinam arti”. Tura “nu aina nuka tsawan aina, tura uwí ainasha nekatai atii”, tusa tinaiti. Timau asa imanisag uminkauwaiti.

Tura chichaak: “Arak aina, nupa aina tura númi aina nugkanam tsapakar yagkurukar nerekarti” tusa tinaiti. Timau asa imanisag uminkauwaiti.

Tura entsa nugkanam atinan, tura entsa yaki atinjai Yuus akantrauwaiti. Turamu asa imanisag ashi juaruiti.

Tura nugkanmagka: Arak neren aina, nupa neren aina, númi neren ainasha ashi tsapakuiti. Tumamtai Yuus pegker iisuiti.

Tura Yuus etsantratnun jimaran najanawaiti. Tsawai etsantratnun etsan ima untan najanawaiti. Antsu káshi etsantratnun nantun shikapchin najanawaiti.

Nunikmatai Yuus chichaak: “Entsa nugkanam a ju iruuntrati, tumamtai nugka atin muku jastii” tusa tinaiti. Tusa tamauwaik muku jasuiti. Tumamtai Yuus chichaak: “Muku jasa juka nugka tutai atii. Antsu entsa aina iruuntrara juka nayants tutai arti” tusa tinaiti. Tura umik Yuus pegker iisuiti.

Tura entsanam matsamsatin ainan chicharuk: “Yamaika entsa ainanam, tura nayants ainanmasha pampaartarma, tura nanamtin ainancha ju nugkanam pampaartarma”, tusa tinaiti.

Tura Yuus chichaak: “Kuntin tagku ainan, tagkuchu ainan, tura japinas yujau ainancha ashi nugkanam pampaartarma”, tusa tinaiti. Timau asa imanisag uminkauwaiti.

Tura Yuus chichaak: “Entsanam matsamsatin ainasha, tura nanamtin ainasha nugkanam matsamsatin arti”, tusa tinaiti. Timau asa imanisag uminkauwaiti.

Nu kuntin ainan najanak umik Yuus pegker iisuiti.