Suosittuja jakeita Raamatun kirjasta Mateo 21

Jaa

Nätan Diosman razonpa yupachicur manacurcaptiquiga, lapan manacurcangaymi ruracasha canga”.

Nipäcuptïmi cay nipäcaman: “Shumag mayapäcamay: Dios rurangan nir razonpa yupachicurcaptiquiga, manam cay montiwan rurangänuylatachu rurapäcunqui. Antis ‘Cay jircata caypita ashuy, jinaman gochraman jegayuy nipäcuptiquis’ nipäcungaynuymi ruracanga.

Chaura Jesuspa naupanta aywagcunawan guepanta aywag runacunam gaparayta galacayärin cay nir: “¡Canangar salvayärimay Rey Davidpa castan! Alisca ali nisha cachun Munayniyog Diosninchi cachramungan. Cananga salvamäshun jana pachachru cayag cachramunganmi” nir.

Jinarcurmi cay nirun: “Dios isquirbichinganchrüga cay ninmi: ‘Wayïga Diospa wayin’ nisham canga. ¡Nätan gamcunaga suwacunapa machrayninmanmi muyurärichinqui!” ninmi.

Chaychrüga cay niyanmi: “Willapäcamuy Jerusalenchru yachragcunata cay nir: ¡Jay! manshu reyniquim nä aywayämun, püllu ashnulan logasha. Aywayämun maticuna chrina ashnupa wawan logasham” niyanmi.

Nipäcuptinmi Jesusga nirun: “¿Gamcuna manachu leyipäcuray Dios isquirbichingancunata? Chaychrüga cay niyanmi: ‘Wayi pergag runacuna “Manam alichu cay juc rumiga” nir jitaripäcunganmi cananga cayan wayipa cimintu esquinanman chruranapag, chay alisca alinnin ruminuy. Caynuy alitaga Dioslam ruran. Jinaman caycuna ricayga alisca cushicuymi cayan noganchipag’ niyanmi.

Chaura cayta mayapäcamay: Chauraga gamcunaga nä manam capäcunqui Diospita yachrachigchu. Cananga Dios munanganta yachrachipäcunga juc casta runacunam. Paycunaga Dios munangaynuymi cawapäcunga.