Suosittuja jakeita Raamatun kirjasta Marcos 7

Jaa

tan tu u taanxelal unq'a uxhchile' ni telkat ch'u'l unq'a va'lexhla chaj txumb'ale', eche' unq'a naje' uve' nichuk tixoj, tuk' unq'a uxhchile' uva' niyansa tib' tuk' uma't uxhchil, tuk' unq'a yatz'ol aamae', tuk' unq'a elaq'e', tuk' u achvan tx'iib'al q'iie', tuk' unjoltu unq'a va'lexhe', tuk' unq'a uxhchile' uve' ni maxtib'en imool, tuk' unq'a tacha'v vichi'ole', tuk' u ch'o'nchil aamae', tuk' u chukul yole', tuk' u je'saib'e', as tuk' unq'a uxhchile' uva' ye'l itxumb'al tijikil. As jank'al chit unq'a va'lexhe' uva' kat vala, as a' ni telkat ch'u'l tu u taanxelal unq'a uxhchile'. As nipaavinsa unq'a uxhchile' vatz u Tiixhe',— ti'k Aak.

Tan ye'l umaj echb'ub'al la yansan taanxelal umaj uxhchil, tul la techb'u. Pet u va'lexhla yole' uve' la el ch'u'l tu u taanxelal u uxhchile', as a'e' nipaavinsan vatz u Tiixhe'.

Ech tal ve't u Jesús ile': —¡Ka'vatz kuxh ex! Tan an chite' u yole' uva' tz'ib'amal kan seti' ta'n u q'ajsan tetz viyol u Tiixhe' uva' Isaías, tul ech tal u Tiixh ile' ste: Tul ni toksa unq'a tename' unq'ii, as itzi' kuxh unq'a tename' ni alon. Pet ech koj u taanxelal unq'a tename', tan ye' ni toksa taama svi' ti' inimat in.

As kamchaj la itxa'ki tul uva' la inach in unq'a tename', tan tul nichusune', as a' kuxh unq'a chusb'ale' nichuse' uve' at kan ta'n unq'a q'esla ib'aale', ti'k u Tiixhe' tal te u Isaías.

As eche' uve' neb'ane', tan netaq' kan u tzaq'ite' uva' tz'ib'amal kan. As a' uva' k'ujlu kan ta'n unq'a naje' nenima, eche' u tx'aap tuul unq'a xhaaloe' tuk' unq'a picheele' uve' netuk'a'kat, as tuk' ka't unq'a txumb'ale' uve' neb'ane',— ti'k Aak.