Suosittuja jakeita Raamatun kirjasta Marcos 4

Jaa

As txakpu ve't u Jesús. As iyaa ve't Aak u kajiq'e' tuk' u mar. As ech tal ve't Aak ile': —¡Ya'oj ex! ¡As ye' tiin ex!— ti'k Aak. As yak kuxh ya' ve't u kajiq'e'. As liib' ve't u mar. As ech tal ve't u Jesús ile' te unq'a ichusulib'e': —¿Kam q'i uva' va'l kuxh exo'v ve'te'? ¿As ma ye'l ex b'a nek'ujb'a' ek'u'l svi'?— ti'k Aak.

As ok ve't uma'l u mam xo'vichil xe' taama chajnaj. As ech tal ve't chajnaj ile' svatzaj: —¡Nim chit u tijle'm Aake', tan ninimal Aak ta'n u kajiq' jab'ale' tuk' u mar!— ti'k chajnaj svatzaj.

As vatik chit ve't u Jesús tu u barco. As atik ku' ivi' Aak vi' uma'l u vitz'. As ul b'eyloj ve't Aak ta'n unq'a ichusulib'e'. As ech tal ve't chajnaj ile' te Aak: —¿Chusul, ma ye' neetz'a uva' tuk kamoj ve't o'? ¡Tan tuk b'enoj ve't o' tuk' u barco xe' u mar!— ti'k chajnaj.

As ech tal ve't Aak ile': —Eb'antaj je' tevi' ti' unq'a yole' uve' netab'i, tan asoj la etoksa etaama ti' etab'ita', as aal la taq' u Kub'aal Tiixhe' etxumb'al ti' epal stuul.

As ech tal ve't u Jesús ile' unpajte: —Ech nib'an u tijle'm u Tiixhe' ti' vitename' eche' nib'an umaj naj uva' ni tava u iiae' tu u tx'ava'. As tul ma't tavat naj u iiae', as la vat naj jun aq'b'al; as la lakpu naj jun q'ii. As il u iia ile' nixalmit ve'te' ti' ich'iie', k'uxh ye' tootzaj naj kam nib'ane' tul nich'iie'.

As ab'iste ex uva' nepal tu vunyole', as etab'itaj uve' ni vale',— ti'k u Jesús.