Suosittuja jakeita Raamatun kirjasta Zohan 15

Jaa

Koi hi theirapom kung kā ni. Nangni hi abāk ngāi nā ni u. Tūkareng koia a om a, koi amāna kei omna chu, ātampā anrā in ti. Asik chu koi nōka nangnī'n ītē thō thei u mak chē.

Ka kōma om u ro, koi um na kōm una om ka ting. Theirapom kunga a bāk anzom nōk ten, abāk chu anrā thei mak. Koia nā om u nōk ten, nangnī'm anrā thei u nō ta ni.

Koia nā om u na, ka chong nangnīna a om ten, nei zōt u tak zong u ro, hava chu na rang una anthōna om in ti.

Nangnī'n nei na thang u ni mak, tenchu koiin kei na thang u kēng. Marā nei dōn u na, na marā u ei āntianna ranga kei nā ruot u a ni. Ka raminga Pā kōma nei zong u tak ei na pēk thei una ranga.

A mal ranga ei damna āphal nēka anditna ālian tūtē'n dōn mak.

Koia āom a bāk ānrā nōk dōra chu amā'n ei pei a ni. A bāk ānrā dōra chu ei ānrā riam theina ranga amā'n ei rathial a ni.

“Hiva hi ka chongpēk a ni, kei nā dit u anga nangni lē nangni andit u ro.

Nangnī'n marā tampā nei anrā u hin, ka Pā chu anliana a om a. Hantin han nangni chu ka zolāi ni u na ti.

“Koi hi theirapom kung tak kā ni, Ka Pā hi theirapompū a ni.

Tūkareng koia a om nōk ten, abāk anga ei ānpei a, a chār a. Amānī'n a mankhōm u na, moia a pei u na, a hāl u na.

Ka rāisānna nangni kōma ei om theina rang lē na rāisān una ei kip theina ranga, hiva chong ngāi hi na kōm una kei ril.

Nangnī'n ka chongpēk ngāi hi na tel u ten, kei nā dit una hin om u na ti. Ka Pā chongpēk ngāi kei tel anga lē ama anditnāna kei om anga.

Nangni lē nangni nei āndit una ranga, hiva ngāi hi chong kei na pēk u a ni.

Maniapūr mī ni u tānla chu, maniapūrin a tā chu ādit in ti ba. Nangni chu maniapūr tā ni u mak chē na, tenchu maniapūr ātā kei na thang u kēng, hasikhan, maniapūrin ei na mūmāk u a ni.