Suosittuja jakeita Raamatun kirjasta โยฮัน 19

Jaa

ตานา บือเลฮ โอะ อาระ อางุน_ เยซู ญา มือเลา จะ_ “ซุจ ฮาบิฮ ดัฮ เลอ.” เยซู ตูโนะ ปาลา นะ ญา_ ฮาบิฮ ญาวา ดัฮ.

ลือปัซ อีตู_ เยซู ญา ตาฮู จะ_ ลาฆู ซือมูฮา ซุจ ฮาบิฮ ดัฮ. กะฆีเตอ_ บีดา นะ บูวัจ บรี ซุจ_ ตูโรจ บือกะ ซูรัจ ปือมือเลา นะ ตูฮัด เยซู ญา มือเลา จะ_ “กู ดาฆา อาเย.”

ตานา เยซู ลีฮัจ มะ เดะ ญา_ ฌางัน มูเระ นู ญา ซายัก_ บือดีรี ดาปิก เตอ_ เยซู มือเลา ฌางัน มะ เดะ ญา จะ_ “นีบีนี เออ_ ลีฮัจ เลอ_ ซือมียา อีตู ฌาดี นานะ นะ เกา.” กะฆีเตอ_ เยซู ญา มือเลา ฌางัน มูเระ นู อีตู จะ_ “ลีฮัจ เลอ_ ญา ฌาดี มะ เดะ เกา.” ตะเดะ อีตู มาแรฮ_ มูเระ นู อีตู บือเลฮ ซาโมจ มะ เดะ เยซู_ มาแรฮ ดูโดะ เดะ รูมัฮ นะ ญา.

ตาปี ตานา กูญา มาแรฮ รอจ กะ เยซู_ ลีฮัจ จะ_ เยซู ญา มาตี ดัฮ_ กูญา โปด_ เตด บือเลฮ กาเตาะ กากี นะ ญา. ตาปี ตาฮัน ซืออูรัก_ อาเมด บูลุซ ตีกับ เดะ รูโซะ ปีงัก นะ เยซู ดัฮ. ดัดดัด_ อาดา อาเย ฌางัน ดารัฮ มือนีแลฮ เดะ ลียัก อีตู.

ซาเบะ จะ_ ลาฆู กะฆีนี เตอ_ บือฌาดี บีดา ซูรัจ ปือมือเลา นะ ตูฮัด นะ ซุจ ดัฮ นู จะ “ตูลัก นะ ญา_ แนฮ ซา โปด_ นะ เตด ปาตัฮ ลาลู .” อาดา ซา ตือนอซ ปูลัก_ เดะ ซูรัจ ปือมือเลา นะ ตูฮัด นู จะ “กูญา นะ ตีญุง ลีฮัจ_ ซือมียา นู กูญา ตีกับ ดัฮ เตอ .”

กะฆีเตอ_ กูญา บาวา เยซู ตรือเบะ ปี. โซะ เยซู ญา ตาโงก กายู ปลีตัก นะ ญา_ บือปี กะ ตือปัจ นู บลาโลก จะ_ ตือปัจ ตูลัก กือปาลา_ นู บาซา ฮีบรู บลาโลก จะ_ โฆละโฆทา.

โกะ ตาฮัน โปด_ อาเมด อากัยํ บือดูรี มาแรฮ_ อาญัม บือกะ ฌาดี กือจูบุก_ บอฮ เดะ ปาลา นะ เยซู. กูญา อาเมด กาเยด ซรือโกะ ญาวา_ ซี แนบปริง_ ปากัย บรี กะ ญา.