Suosittuja jakeita Raamatun kirjasta โยฮัน 15

Jaa

“กู นี เลอ_ ฌาดี ฌากัยํ อางุน. กาเญา โปด_ ฌาดี ฌามัยํ. ซือมียา ดีฮา นู มาโซะ บรี ลือกัจ กระ ฌางัน กู_ กู โปด_ มาโซะ บรี ลือกัจ กระ ฌางัน ซือมียา อีตู_ ญา เตอ_ นะ บือบูวัฮ บาญะ เลอ. ซาเบะ จะ_ ดัฮ มืองือละ เดะ กู เตอ_ กาเญา นะ บูวัจ นามา เตด บือเลฮ ลาลู เลอ.

กาเญา กือนา มาโซะ บรี ลือกัจ กระ ฌางัน กู เลอ. กู โปด_ นะ ลือกัจ กระ ฌางัน กาเญา. ดัฮ ฌามัยํ เตด ลือกัจ กระ ฌางัน บาตัก ฌากัยํ อางุน เตอ_ ญา นะ บือบูวัฮ ตะอาซิก เตด บือเลฮ. กะฆีเตอ เลอ_ ดัฮ กาเญา เตด ลือกัจ กระ ฌางัน กู_ กาเญา โปด_ นะ บือบูวัฮ เตด บือเลฮ ฌูฆา.

ดัฮ กาเญา ลือกัจ กระ ฌางัน กู_ ปือมือเลา นะ กู โปด_ ลือกัจ กระ เดะ กาเญา ดัฮ ฌูฆา_ กาเญา นะ มีตา ลาฆู นามา นู กาเญา บือคานะ_ กาเญา นะ บือเลฮ ลาฆู อีตู เลอ.

กาเญา เตด บือเลฮ ปีเลฮ กู_ ตาปี กู นี เลอ_ บือเลฮ ปีเลฮ กาเญา_ ตืองะ กาเญา ดัฮ_ บีดา กาเญา นะ บือบูวัฮ ลือบัจ_ บีดา บูวัฮ อีตู นะ อาดา ดูโดะ กือฌะ เลอ. กะฆีเตอ_ ดัฮ กาเญา มีตา ลาฆู นามา เดะ อาโปก_ เดะ ปือนามา นะ กู_ อาโปก นะ อาเกะ ลาฆู อีตู บรี กะ กาเญา เลอ.

ฮอย ซือมียา ดีฮา นะ บือเลฮ ซายัก บาญะ ลือเบฮ เดะ อีนี_ นู ซือมียา ซืออูรัก นะ ซรัฮ ญาวา นะ ญา_ บีดา ซาบัจ นะ ญา.

ราตา ฌามัยํ นะ กู_ นู เตด บือบูวัฮ_ ญา กรัจ บูวัก. ราตา ฌามัยํ นู บือบูวัฮ_ ญา กาซี ฌามัยํ อีตู บรี จรัฮ_ บีดา นะ บรี อาดา บูวัฮ บาญะ ซือรูโลยํ เลอ.

นี เลอ_ ฌาดี ปือมือซัด นะ กู_ ฌาดี จะ_ กู บือเลฮ ซายัก กะ กาเญา กะฮามี ดัฮ_ บรี กาเญา ซายัก บือซามา-ซามา ซือรูปา กะฆีเตอ ฌูฆา เลอ.

ลาฆู บือซรี บือซายา นะ อาโปก เดะ กู_ นะ ลีฮัจ บือฆารี ซัฮ เดะ ลาฆู กะฆีนี_ นู กาเญา บือบูวัฮ บาญะ. กะฆีเตอ บรี ลีฮัจ จะ_ กาเญา ฌาดี มูเระ นะ กู.

เยซู มือเลา ลาฆี จะ_ “กู นี เลอ_ ฌาดี ฌากัยํ อางุน นู ซูโงฮ. อาโปก เดะ กู โปด_ ญา ฌาดี ซือมียา ปือบือลา กือโบด บูวัฮ อางุน เลอ.

ดัฮ ซือมียา เตด มาโซะ บรี ลือกัจ กระ ฌางัน กู_ ซือมียา อีตู เตอ_ กือนา นะ กรัจ บูวัก_ ซือรูปา กะ ฌามัยํ_ กะฆีเตอ ญา นะ ตูโฮยํ มาตี ปี. โกะ ฌามัยํ กะฆีเตอ_ กือนา นะ มูงอจ ลูโงะ_ ปี ตูนู เดะ อาปี เลอ.

“ลาฆู กะฆีเตอ ซีงี_ กู บือเลฮ มือญาเระ กะ กาเญา ดัฮ_ บีดา ลาฆู ซูกา ฮาตี นะ กู นะ ดูโดะ เดะ ฮาตี นะ กาเญา_ บรี ลาฆู ซูกา ฮาตี นะ กาเญา นะ ปือนอฮ มีแม เลอ.

ดัฮ กาเญา บูวัจ ตูโรจ กะ ปือมือซัด นะ กู_ กาเญา โปด_ นะ ดูโดะ กือฌะ กือมัซ เดะ ลาฆู ซายัก นะ กู_ ซือรูปา บือกะ นู กู บูวัจ ตูโรจ กะ ปือมือซัด นะ อาโปก_ กะฆีเตอ กู ดูโดะ กือฌะ กือมัซ เดะ ลาฆู ซายัก นะ อาโปก เลอ.

ลาฆู กะฆีนี_ กู ปือซัด บรี กะ กาเญา จะ_ บรี กาเญา ซายัก บือซามา-ซามา เลอ.”

อาดู จะ กาเญา ฌาดี ซือมียา นะ ดือนียา อีนี_ โกะ ซือมียา โซะ ดือนียา โปด_ นะ ซายัก กาเญา_ นู ฌาดี นะ ดือนียา. ตาปี กาเญา เตด ฌาดี ซือมียา นะ ดือนียา อีนี_ ซาเบะ กู นี เลอ_ บือเลฮ ปีเลฮ กาเญา บรี ตรือเบะ เดะ ดือนียา. กรานา กะฆีเตอ_ โกะ ซือมียา โซะ ดือนียา_ นะ บือชี กะ กาเญา.