Suosittuja jakeita Raamatun kirjasta Joha 3

Jaa

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

Ngoba uNkulunkulu kayithumelanga iNdodana emhlabeni ukuba iwulahle umhlaba, kodwa ukuba umhlaba usiliswe ngayo.

UJesu wamphendula wathi: Ngiqinisile, ngiqinisile ngithi kuwe: Uba umuntu engazalwa ngokutsha, angewubone umbuso kaNkulunkulu.

Okholwa kiyo kalahlwa; kodwa ongakholwayo uselahliwe, ngoba engakholwanga ebizweni leNdodana kaNkulunkulu ezelwe yodwa.

Ukulahlwa kuyilokhu ukuthi ukukhanya kufikile emhlabeni, kodwa abantu bathanda umnyama kulokukhanya, ngoba imisebenzi yabo imibi.

Umele ukukhula yena, mina nginciphe.

Ngoba ilowo lalowo owenza okubi uzonda ukukhanya, kezi ekukhanyeni ukuba imisebenzi yakhe ingasolwa.

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

Njengokuba uMose waphakamisa inyoka enkangala, kunjaloke iNdodana yomuntu imele ukuphakanyiswa

UYise uyayithanda iNdodana, unikele izinto zonke esandleni sayo.