Suosittuja jakeita Raamatun kirjasta ሉቃሳ ምሽራቹዋ 24

Jaa

ታ ህንተንቶ፥ ታ አቡ ቃላ ገሌዳ ህዶታ የዳና፤ ሄዌ ጋካናዉነ ህንተንቶ ዎልቃይ ሳሉዋፐ እመታና ጋካናዉ፥ የሩሳላመ ካታማን ናግሽተ” ያጌዳ።

እ ደንዴዳ፤ ሀዋን ባዋ። ቃይካ ጋሊላን ደእያ ዎድያን፥ ‘አሳ ናአይ ናጋራንቻቱዋ ኩሽያን አ እመታናዋ፤ ማስቃልያ ቦላን ካቀታናዋ፥ ሄዘን ጋላስ ሀይቁዋፐ ደንዳናዋ’ ያገቶዋ ቆፕተ” ያጌድኖ።

ኡንቱንቱ አይፊካ አ አኬካና ማላ ዶየትና፥ የሱሳ ግድያዋ ኤሬድኖ። እካ ኡንቱንቱ ስንፐ ጌሜዳ። ኡንቱንቱካ እቱ እቱዋ፥ “ቃአን እትፐ ኑ ደእሽን፥ ኑና እ ሃሳይስያ ዎድያንነ ጾሳ ማጻፋቱዋካ ኑዉ ቆንጭሲደ እ ኦድያ ዎድያን፥ ኑ ዎዛና ግዶን ታማዳን ሴሌ ግደኔ?” ጌተቴድኖ።

ኡንቱንቶ፥ “ ‘ክርስቶሳ መቱ ጋካናዋ፤ ሄዘንያ ጋላስ ሀይቁዋፐ ደንዳናዋ። አ አ ሱንን ናጋራ ፓጸይነ ማሮታ ደሙሳይ የሩሳላመፐ ዶሚደ አሳዉ ኡባዉ ኦደታናዋ’ ያገቲደ ጻፈቴዳ።

ሹቻይካ ዱፉዋ ዶናፐ ጎንዶረትና በኤድኖ። ኡንቱንቱ ዱፉዋ ጋርሳ ኦላ ገሎ ዎደ፥ ጎዳ የሱሳ አሃ ደምበይክኖ።