Suosittuja jakeita Raamatun kirjasta Romains 5

Jaa

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

Na va ngongone vane, tôtsôkékéni buéyé gô magugame masô n’anyô. Gôébégô tôsabômu mbe maguga meena wa n’anyô matsigéda gô mitéma miasô n’anyô ôbibo na môvinéné. Obibo na môvinéné dôta ôtsigéda we ngudi gôédiia gô mane makanégu wa n’anyô kabaga tôtsedu gô mangô. Na vadiia wa n’anyô gô éne ékanégu wa n’anyô, éne éténdéda wa n’anyô éngeenanô.

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ. Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

Gô ngudi yowa aJésus, wa n’anyô tôka gébé n’oési va mbene aNzambé. Na va ngongone vane, atôyuua g’ôpisa aNzambé.

Vamakékôa Adam akékôa ôgi aNzambé, ameengéda oma ayekani gô tsôgôô amabégô mabévani. Vamagobeda Jésus-Christ, agobeda ôgi aNzambé amakuséda oma ayekani gô tsôgôô éamabégô mabévani gôéba gébé n’oési va mbene aNzambé.

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.