Suosittuja jakeita Raamatun kirjasta Jean 19

Jaa

Vamamanangô éviva mebame manganye mane, Jésus amayusuméda évovo mbe: Eetso édugi. Amatsokodono na amawa.

Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé.

Jésus ameena yeedi na va kôbangô edi ameena môneengine amootéa Jésus ényôngéô. Amavovo na yeedi mbe: Môgeto, muanee woo te angôô. Na amamôtubéda môneengine. Vane Jésus amavovo na môneengine mbe: Oeni, yoo angôô. Bandôa nyoone Marie, yeene aJésus amadigaa gô eba amôneengi nône.

Vamatsigahngô va gésumuge gémabaka Jésus amadenga mbe amani éwa. T’ebandô asimôbôkôé makôdôme. Môgodene amatuma Jésus va tsungune n’ekongo éedi. Tsina na tsina gômakusa nzina na meba gésangana.

Gômabuéa mabégôme mane, gômeenanô mane mameevéda Matendeo MaNzambé mbe: Gôndé angô gôsangabôkôu ta na gépa gévo. Matendeo MaNzambé mameevéda dôta mbe: Oma angabono ône amatumahngô. Ebégôe éne émeenanô.

Jésus amapénda gô mbôka atsua gésumuge géngakomedu angô. Amakea na gô tungu ééndô mbe kokoh amôtsé. (G’ôgi ahébreu te Golgotha.)

Migode mimavutéga ngundu éamingoo géôkanéga gépôkôdô sokumaka. Amagégudéga gô môtsé aJésus. Amamôaatéda dôta ngoyi épipani éatsoo gamaata oma avôni.