Suosittuja jakeita Raamatun kirjasta Mayanzame 2

Jaa

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Tsina na tsina, nzongodine émaviga g’ôba ga ndungu éagékunga. Ndungune émookanô ebee wetso ômadigaahngô. Omee ane ameena soto gémaaga g’ôba gégono na dimeni. Dimaaga na dimasuma, ôvo ôvo na gô ngongo amiôtsé mioma. Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Minya mietso amabaka gô eba aNzambé gévéé. Amabukua mipemba gô yeba yaô na amaaka miyakô miaô na gényônga na mitéma mimasumani. Ahmakuméda Nzambé. Amanyônganéô n’oma muetso. Minya mietso Kumu Jésus amoombaka ékôndéga gô mbumu éaNzambé ane amoobogokoni.

Nzambé amavovo mbe: Oôkôni éne éngabuéa gô ndéône éamôyusumédu. Me Nzambé nangatsanzabanéda Gédidige sami na gôndé oma muetso. Anee wanyô amôgôô na anee wanyô ageto angapandôéda matasa mami. Minzambu mianyô na tômbô yanyô angeena ndoti. Peeye yanyô yebôôtô dingeena miôtô.

Muetso ane ameetsa Jésus-Christ mitéma miaô amadigaa tungu épo. Amabaka na yômee yetso te vavo. Ahngô amasômbédaka yeba yaô na yômee yaô, na amakabanaka gamadiiangô. Ameetsô môma na môma gô mônongoe ômabaka na angô ôgômbô.

Endé te nane. Muetso angabambéa ina aKumu Jésus angoobou.

Kômbéne éngakukégu n’evitsi. Ngondene éngakoga na tsoo ga nzina. Mabégô mema mangeenanô te ndéône éagénikéô saKumu madeô ésibuéa. Génikéô sedi te ndéô épôni éngeenanô géneegage sedi setso.