Suosittuja jakeita Raamatun kirjasta Mateo 24

Jaa

O čilačepen vell yaake baro ap i phoub, te denn boud patsle pengro kamlepen i vavarenge pre. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Ap i tseli phoub vell i menshenge ko lačo lab penlo, kay o Devel kamell len dran o čilačepen te lell oun kamell lengro ray te vell. I menshe an hake themma hounte shounenn ko lab. Oun palle vell ko tsiro, kay hi o Devel o ray pral lauterende.

Baro kourepen vella an kol themma, kay hi dour t'mendar oun ninna an kolla themma, kay hi gar dour t'mendar. Te shounenn t'mer kova, ma trashenn! Ko hounte vell yaake. Ko tsiro, kay o Devel o ray hi pral halauterende, vell gar yaake sik.

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen. Kova lauter vella yaake pral i phoub, har i douka venn pral i djouvyate, kay lell i ternepen.

O bolepen oun i phoub ačenna gar. Mire laba ačenna hako tsiro.

Boud morsha venna oun penenna: Me hom o Kristo, ko baro ray, kolestar o Devel penas, te vell yob! Oun boud menshe patsenn ap lengro rhorhepen.

Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande. Oun boud denn pengro patsepen ap mande pre, oun phoukrenn ninna ap i vavarende, kay ap mande patsenna, oun yek krell o vavareske čilačepen. Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

Penas o Yezous: Denn yak, ma moukenn t'men kekestar o Debleskro dromestar tele te anell!

Doleske penau t'menge: Denn garda! Me, o Mensheskro Čavo, vau pale an i tsiro, kay t'mer gar djinenna.

Rikrenn t'mare yaka pre! T'mer djinenn gar ko dives, kay t'maro ray pale vella.

Kek djinell ko tsiro, kaana kova lauter vella. I bolepangre an o bolepen djinenn les gar, vitar gar o Debleskro čavo. Miro dad an o bolepen kokres djinell les.

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Yaake har i menshe djivan an ko tsiro, kay o Noah djivas, yaake djivenn le an ko tsiro, kay o Mensheskro Čavo pale vella. Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas, hayvan le gar, hoy koy djas. O baro pani vas pral lende, oun yon lauter tassan. Yaake djal kova ninna ap ko dives, kay vell o Mensheskro Čavo pale.