Suosittuja jakeita Raamatun kirjasta Yohanni 1

Jaa

Halauter kolla, kay lan les pre oun ap leste patsan, kolen das yob i zoor, te venn yon o Debleskre čave.

Har o bolepen oun i phoub gar koy his, his o Lab koy. Kova, kay hi o Lab, his pash o Debleste. Oun yob his o Devel.

Koy momeli rhačella an i rat. Oun i rat nay kras koy momeli gar vin.

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Khetne leha kras o Devel o bolepen oun i phoub. Či hi koy, hoy gar leha kerdo vas. An leste his o djipen. Oun ko djipen his i bari momeli i menshenge.

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Kova, kay hi o Lab, his ap i phoub, oun i phoub vas leha kerdo. Oun i menshe ap i phoub prindjran les gar. Yob vas an peskro them, oun leskre menshe lan les gar pre.

Koy čači momeli vas ap i phoub, te rhačell li hakeneske.

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.