Suosittuja jakeita Raamatun kirjasta ယောဟန် 12

Jaa

ငါ့​အမှု​ကို ထမ်းဆောင်​လိုသောသူ​သည် ငါ့​နောက်သို့ လိုက်ရမည်။ ငါ့​အမှုဆောင်​သည် ငါ​ရှိရာ အရပ်​တွင် ရှိရမည်။ ငါ့​အမှု​ကို ထမ်းဆောင်သော​သူ​အား ငါ့​ခမည်းတော်​သည် ဂုဏ်ပြု​လိမ့်မည်။

ဤ​လောက​၌ မိမိ​အသက်​ကို ချစ်သောသူ​သည် အသက်​ဆုံးရှုံးရ​လိမ့်မည်။ ဤ​လောက​၌ မိမိ​အသက်​ကို မုန်းသောသူ​သည် ထို​အသက်​ကို ထာဝရ​ပိုင်ဆိုင်ရ​လိမ့်မည်။

သင်တို့​အား ငါ​အမှန်​ဆို၏။ ဂျုံစေ့​သည် မြေ​၌​ကျ​၍ မပျက်စီး​လျှင် အစေ့​တစ်စေ့တည်း​အဖြစ်သာ ရှိနေ၏။ သို့သော် ပျက်စီး​လျှင် ဂျုံစေ့​များစွာ​ကို ဖြစ်ထွန်းစေတတ်၏။

ငါ့​ကို ယုံကြည်သော​သူ​တိုင်း အမှောင်​၌ မနေ​စေရန် ငါ​သည် အလင်း​အဖြစ် ဤ​လောက​သို့ ကြွလာပြီ။

ငါ့​စကား​ကို ကြား​၍ မလိုက်နာသောသူ​ကို ငါ​သည် အပြစ်​မစီရင်။ အဘယ်ကြောင့်ဆိုသော် ငါ​သည် လောကီသားတို့​ကို တရားစီရင်​ရန် ကြွလာသည်​မဟုတ်။ ကယ်တင်​ရန် ကြွလာ၏။

ထို​အချိန်​တွင် မာရိ​သည် အလွန်​တန်ဖိုး​ကြီးသော နာဒု​ဆီမွှေး​အစစ် နှစ်ဆယ်သား​ကို ယူလာ​၍ ယေရှု​၏​ခြေတော်​ကို လိမ်း​ပြီးလျှင် မိမိ​ဆံပင်​ဖြင့် သုတ်၏။ တစ်အိမ်လုံး​သည်လည်း ထို​ဆီမွှေး​ရနံ့​ဖြင့် မွှေးကြိုင်လေ၏။

စွန်ပလွံခက်များ​ကို ကိုင်ဆောင်​လျက် ယေရှု​ကို ကြိုဆို​ရန် ထွက်လာကြ၏။ ထို​သူတို့​က “ဘုရားသခင်​၏ ဂုဏ်တော်​ကို ချီးမွမ်းကြ​ပါစေသော။ ထာဝရဘုရား​၏ အမည်​နာမ​နှင့် ကြွလာသော​အရှင်​သည် မင်္ဂလာ​ရှိပါစေသော။ အစ္စရေးတို့​၏​ရှင်ဘုရင်​သည် မင်္ဂလာ​ရှိပါစေသော” ဟု ကြွေးကြော်ကြ၏။

ထိုအခါ ယေရှု​က “လူသား​ဘုန်းပွင့်မည့်​အချိန် ကျရောက်ပြီ။