Suosittuja jakeita Raamatun kirjasta लूका 7

Jaa

“इसका प्यार घणा है, इसकरी इसके घणे पाप माफ करे गये हैं। जिस्के थोड़े पाप माफ होये, वो थोड़ा प्यार करता है।” पिछैं यीशुऐं उस औरता थ कैहया, “तेरे पाप माफ होई चुक्के।”

अर यीशुऐं उस औरता थ कैहया, “तेरे विश्वास्सैं चिकु बचाई लिया, इब तौं अराम्मा थ चली जा।”

अर यीशुआ के पाँवैं धौर गैल्लै उब्भी होईकना, रोत्तोड़ियैं उसके पाँवैं कु आपके आँसुएं थ धोणै अर आपके सिरा के बाळैं थ पुछणै लाग्गी गई, अर उसके पाँवैं कु बारीया बारीया चुम-चूम्मी इत्र मळया करी।

इसी वजाह थ मैं भी तेरै धौरै आणैं कि कोइन सोच्‍ची, सिर्फ तौं कही ही दे अर मेरा दास सूल होई जाग। हूँ भी किसी के अधिकारा म काम करता हैं, अर सिपाही मेरे हात्थैं म हैं, अर जिद हूँ एक्की थ कैहता है, ‘जा’ तो वो जात्‍ता हैं, अर दूसरे थ कैहता हैं, ‘आ’ तो वो आवता है, अर हूँ किसी दास्सा थ भी कैहैं कि ‘या कर’ तो वो करता है।” या सुणी यीशु चौंहकी गया, अर उनु गैल्‍लै मुड़ी उस भीड़ा थ कैहया जो उसकै गैल्‍लै थी, “हूँ थारै थ साच्‍चैं कैहता हैं, कि ऐस्सा विश्वास मैं इस्राएली लोक्कैं म भी कोइन देख्या।”

उसी वक्‍त, यीशुऐं घणे लोक्कैं कु बिमारीयैं थ सूल करया, अर दुष्टात्मैं थ छुड़ाया, अर घणैं आँद्धैं कु आँख्खी दियाँ। अर यीशुऐं उनकु जवाब दिया, “जो कुछ भी थमु देख्या अर सुणया है, जाई यहून्‍ना कु बताई दो, कि आँध्धे देख्या करते हैं, अर लंगड़े चालते हैं, कोहड़िये शुद्ध होया करते, अर बैहरे सुणया करते हैं, अर मरोड़े जिवाये जाया करते हैं, अर गरीब्बैं कु शुभसमाचार सुणाया जात्‍ता है।