Suosittuja jakeita Raamatun kirjasta Chenesis 3

Jaa

Mihma ohoyo hash osh iti ya̱ ʋpa achukma ho̱, micha nishkin ishit pisa ka̱ achukma ho̱, micha hopoyuksʋla hi ya̱ iti ya̱ bʋnna he ʋlhpesa ho̱ pisa mʋt, yʋmmak ash o̱ ʋni ya̱ ishi cha, ʋpa tok: mikmʋt i̱ hatak ash kia aieninchit ipeta na, ʋpa tok.

Atuk o̱ sinti ak osh nahaksichi imponna kʋt nampoa haiaka itʋnowa Chihowah Chitokaka yʋt ikbi tuk a̱ moma i̱ shahli tok. Atuk osh ohoyo hash, Yohmi mʋhli cho? Iti puta osapushi anu̱ka aiasha ka̱ hʋch ik ai apo kashke, Chitokaka yʋt achi tuk oh cho? im achi tok.

Mikma chishno, micha ohoyo hash micha chishtaiunchololi micha ohoyo ishtaiunchololi aiena ka̱ hʋch itin tanampichi la chi̱ hoke: yʋmmak okʋt chi noshkobo ha̱ litolikma, chishno mʋt iyi̱kotoba ya̱ ish litola hi oke, im achi tok.

Micha ohoyo hano, Chakalit isht chilbʋsha hi ya̱ chim apaknʋchi li fehna chi̱ hoke; ilbaiyʋsha hosh ʋlla ish esha hi oke; mikmʋt nana ish ahni kʋt chi̱ hatak ak o̱ ish anukchietokma, yʋmmak osh chi̱ shahlit chilauela hi oke, im achi tok.

Chi nashuka yʋt laiyaksha hosh pʋska i̱hi̱shpa tuk osh falamʋt lukfi ish toba hi oke; yʋmmak o̱ a chishi tuk oka: lukfi chia hokʋt, falamʋt lukfi ish toba hi oke, im achi tok.

Micha Alam ano, Chi tekchi im anumpa ha̱ ish i̱ haponaklo cha yʋmmak oka chim apesʋt, Ish ai ʋpa he keyu hoke, achi li tuk iti ya̱ ish ai ʋpa tuk oka, chishno ak atuk pulla kak o̱ yakni ʋt kalakshi hoke; chi okcha̱ya nitak moma kʋt nukha̱klo hosh ish ai ʋpa hi oke.

Mihma, Kʋta hosh chi nipi bano hoka, chim anoli tuk o̱? Ish ai ʋpa he keyu chim apesa li kash o̱ iti ya̱ ish ai ʋpa tuk o̱? achi tok.

Yʋmohmi hosh hatak ash kocha pit chʋffichi tok: mihmʋt osapushi Eten hʋshi akochaka ont ʋhli ka̱ Chelubim ʋhleha, micha iti aiokcha̱ya aiona ya̱ atoni yosh bʋshpo falaia lihimbi, kanima moma pit bihliblit fullota aiena ho̱ hilechi tok.

Mihma Alam ʋt tekchi ya̱ Ef hochifo tok: yʋmmak osh okcha̱ya moma ka̱ ishki yoka.