Suosittuja jakeita Raamatun kirjasta Chenesis 15

Jaa

Mihma Chihowah ya̱ i̱ yimmi tok: mihma yʋmmʋt aiʋlhpiesa im ai itilauechi tok.

Ilʋppa puta kʋt yʋmohmi ha ya̱, Eblam ʋt na pisa ho̱ Chihowah im anumpa hʋt im a̱ya cha, Chi nukshopa ná, Eblam ma, chin telihpa, micha nan isht chim ʋlhtoba chito atampa fehna sia hoke, im achi tok.

Mihmʋt ilauelit kocha isht ona mʋt, Ʋba pilla ha̱ pit ish hopo̱koyo cha, fochik puta ka̱ ish hotihna hinlakmʋt, ish anolashke, achi tok: Chim isht aiunchololi hʋt yʋmmak o̱ chiyuhma hi oke, im achi tok.

Mihma yakeh, Chihowah im anumpa hʋt im a̱ya mʋt, Ilʋppʋto chimmi ha̱ ai isha he ʋlhpesa ya he keyu; amba chikfoka akinli a kohcha he ak osh chimmi ha̱ ai isha he ʋlhpesa ya hi oke.

Mihma Eblam a̱, Chim ishtatiaka yʋt okla inla yosh i̱ yakni keyu ka̱ aiasha cha, i̱ yuka hosh a̱ha̱shwa he ya̱ ish ithana pullashke: mikma afʋmmi tahlepa ushta ho̱ ilbʋsha̱hancha hi oke.

Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Mih nitak fehna Chihowah yʋt Eblam a̱ nana itim apesʋt, Echip okhina yak o̱ aiʋhlit ia hosh okhina chito Euflates okhina ont ʋhli

Yohmi kia aiitishali ont aiushta kʋto anonti ilʋppa ai ʋla hi oke: Amolait okla nan ai asha̱hanchi kʋt ik aloto ki̱sha hoka, im achi tok.