Suosittuja jakeita Raamatun kirjasta Yohanna 14

Jaa

In tat əppan sukum zəzaya, in tat əpsukum zazay nawa, va dələv adapsukum nədapsukum ɓa. Mokrokum adazlzlaɓ ɓa, ageslne' ɓa.

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yesu aɓsit gewleɗ nan na, mokrokum adazlzlaɓ ɓa. Mətaf Maŋgəlva, mətafwa.

Ya məzəbbaha, Zeŋgile Salala məs Afən adawslən də iya nawa, nan warban sukum zəga pakə, waɗɗumon sukum an məs nəpel sukum pakə.

Ɗəf dərma məs nəɗi naɗɗa, gəm dəɓe' səni, ndəni dəŋgluwa. Afən waŋglu ɗəf an dəŋgəluwa, naw pak wanəŋgluwa, wanərban zu azani.

Naw wanəkkaman Afən dəslən sukumgən məzəbbah mbərni, ndəni Zeŋgile Salala, vi dəsangən də munokum hã faɗə. Əmpəs na gegesiŋ məs dələv aɓap na ərəh ɓa, vi awlan ɓa, dəsənən ɓa. Ya nokum kəsənnənka, vi tay a maŋgavokum, wasan addəvkum.

An məs kəssohoŋ də iya naw pak, wanəɗa, vi Afən dəsangən məgagdakan addəv Wətəni. An kəssohowən də iya naw pak, naw wanəɗa.

Yesu anahək əmpa na: An kəŋgluwənka, wakərmenin mahenziŋɗe en nawa.

Təki tay diyɗa eŋgil ana Əbba da. Va vaski ɓa na, kəta wanənah sukum na, wanəmbat əzaɓan sukum təkiya sa?

An nəmbatək əzaɓan sukum təkiya, wanəmili, wanəkukum azawa, vi a təki naw nəsawa, nokum pak kəssoŋgən adaka.

Tomas aɓsən na: Daya məsən təki kədaddok ɓa, mbarmbar mədawsən tive nan di?