Suosittuja jakeita Raamatun kirjasta ಮತ್ತಾಯ 2

Jaa

ತದೆ ಇವ್ಣೆ ಯೋ ಘರ್‌ಮ ಜೈ಼ನ್, ಯೋ ಲಡ್ಕಾನ ಇನಿ ಆಯ ಮರಿಯನ ದೇಖಿನ್, ಇನ ಆಡ್‍ಪಡಿನ್ ಆರಾದನೆ ಕರ‍್ಯು. ಅಜು಼ ಇವ್ಣೆ ಲೈರಾಖ್ಯುಥೂತೆ ಇನಾಮ್ನ ಬುತ್ತಾವ್‍ನ ಛೋ಼ಡಿನ್ ಇನಾಮಾಥು ಖ್ಹೊನ್ನು, ಖ್ಹಾಲರ‍್ಯೊ ಅಜು಼ ರಕ್ತಬೋಳನ ಕಾಡಿನ್ ಇನ ಕಾಣ್ಕೆ ದಿದು.

ಹೆರೋದ ರಾಜ಼ ಹುಯಿರ‍್ಹೊಥೋತೆ ವಖ್ಹತ್‌ಮ, ಯೂದಾಯ ತಬರ್‌ಖಾನು ಬೇತ್ಲೆಹೇಮ್ ಕರಿ ಗಾಮ್ಮ ಯೇಸು ಪೈದಹುಯೊ. ಅನಬಾದ್‌ಮ, ಥೋಡು ಗ್ಯಾನಿ ಅದ್ಮಿಖ್ಹಾರು, ಪೂರಬ್ ದಿಕ್ನು ದೇಖ್ಹ್‌ಥು ಯೆರೂಸಲೇಮ್‌ನ ಆಯಿನ್, “ಯೆಹೂದ್ಯರ್‌ನೊ ರಾಜಾ಼ ಹುಯಿನ್ ಪೈದಹುಯುತೆ ಲಡ್ಕು ಕಿಜ಼್ಜಾ ಛಾ಼? ಯೋ ಪೈದಾಹುಯು ಕರಿ ಖ್ಹಣೇದ್ ವತಾಳಸ್ತೆ ಶುಕ್ಕರ್‌ನ, ಹಮೆ ಪೂರಬ್ ದಿಕ್‍ಥು ದೇಖಿನ್, ಇನ ಆಡ್‍ಪಡಿನ್ ಖ್ಹಲಾಮ್ ಕರಾನ ಐರ‍್ಹಾಸ್” ಕರಿ ಬೋಲ್ಯು.

ಇವ್ಣೆ ರಾಜಾ಼ನಿ ವಾತೆ ಖ್ಹಮ್‌ಜಿನ್‌, ವಳ್ಯುಜಾ಼ತುಥೂತೆ ತದೆ ಪೂರಬ್ ದೇಖ್ಹ್‌ಮ ಇವ್ಣುನ ದೆಖಾಯುಥೂತೆ ಯೋ ಶುಕ್ಕರ್ ಇವ್ಣುನ ಪಾಛು಼ ದೆಖಾಯು. ಇವ್ಣೆ ಯೋ ಶುಕ್ಕರ್‌ನ ದೇಖಿನ್, ಘಣು ಖ್ಹುಶಿಖಾದು! ಯೋ ಶುಕ್ಕರ್ ಇವ್ಣ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲ್ತುಹುಯಿನ್, ಲಡ್ಕು ಥೂತೆ ಝ಼ಗೋಕನ ಆಯಿನ್ ಭೀರಿಗಯು.

ಅನಬಾದ್‍ಮ ದೇವ್ ಇವ್ಣ ಖ್ಹೋಣ್ಯಮ ದೆಖೈನ್, “ತುಮೆ ಹೆರೋದಕನ ಪಾಛು಼ ಫರಿ ನಾ ಜಾ಼ವ್ಣು” ಕರಿ ಝೇತಾವಖ್ಹತರ್, ಇವ್ಣೆ ಬಿಜೇಕ್ ವಾಟೆಕರಿ ಇವ್ಣ ದೇಖ್ಹ್‌ನ ಪಾಛು಼ಫರಿ ಚ಼ಲ್ಯುಗಯು. ಇವ್ಣೆ ಜಾ಼ವಾನ ಬಾದ್‌ಮ, ದೇವ್ನದೂತ ಯೋಸೇಫ್‌ನ ಖ್ಹೋಣ್ಯಮ ದೆಖೈನ್, “ಹೆರೋದ ಆ ಲಡ್ಕಾನ ಮಾರಿನಾಕ್ಣು ಕರಿ ಢೂಂಡುಕರಾಸ್, ಇನಖ್ಹಾಜೆ ತೂ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಈಜಿಪ್ಟ್ ದೇಖ್ಹ್‌ನ ಮಿಲೈ ಜಾ಼. ಅಜು಼ ಮೇ ಬೋಲಾತೋಡಿ ಹಿಜ್ಗಾ಼ಸ್ ರ‍್ಹೇ” ಕರಿ ಬೋಲ್ಯೊ.