Suosittuja jakeita Raamatun kirjasta LUG 14

Jaa

Je maga yaŋ a ge see ɓi bay caa hee de pan ɓe, de man ɓe, de wãy ɓe, de weere ɓe wo, de weregeman ɓe, de mayregeman ɓe wo, hayba diŋ se de ti ngel see ɓe draʼ, bay caa hee de see ɓe no, á kãã ma kol ge je ma wer ɓi gà.

Je maga hã ɓil ɓe go ga se mo huu mbe go ti re ɓi gà day maŋ blam ɓi we gà no, kãã ma kol ge je ma wer ɓi gà.

Werga wosela ɓuy maga yaŋ ra ɗúu see ɓe go ciŋ, Baa fer ge ɗúu ɓe go gesiŋ, day wosela maga yaŋ fer ti see ɓe gesiŋ, Baa raw ra ɗúu ɓe go ciŋ lay.

Wersen, Yeso raw wãã ge ga : Yoo ɓay ɓuy je maga tob fẽẽre ɓe wo we go ɓuy ti re ɓi ga no, kãã ma kol ge je ma wer ɓi gà.

Hayga jobo yoo ɓay da we ga se boo tiŋ ma de gẽẽre, á raw hayge gesiŋ kee fẽẽre maga se joŋ joŋre tiŋ de ɓe go, ma ko ge ga solay kãã yaŋ ma taw joŋre sen mbe go yawla. Hayga á joŋ we no ga, á ɓoʼ wer ɓe we, day blam sen se kãã we ma taw joŋre tiŋ we go ga no, jar maga ko ge wo tiŋ mo ɓuy, feg ge wo ti ɓe, ga bloo sen la tĩĩ werga se boo tiŋ lay, ama egre ɓe laa kãã ge ma taw joŋre ɓe go ga mo pa ɓa.

Ama ndo leʼ joŋ fẽẽre rege we wur few no, ɗe le diŋ jar coo wo, jar maga wo go de gayre, jar leŋre wo, de jar rẽwre. Ni ndo woo yaŋ, werga á daʼ ge wo mopo ma poɗ moge gà, day Baa wo ge poɗ moge ti wur maga jar ma joŋ re de deele ti ngel ɓe wo wo go laage ciŋ tenen mono.

Cuu diŋ fen ma de ele, ama hayga cõõre ɓen à we go no, jobo kãã ma ferge ɓe de cõõre ga so. Á joŋ mopo ma de el ne sir ga lay, bay ma sõʼ ngel po wa lay, á raw laa ge ɓe wo go faale tiŋ. Hayga jobo yaŋ de sug ma laa ge ɓe no, á mo coʼ sug ɓe de ele.