Suosittuja jakeita Raamatun kirjasta JAŊ 6

Jaa

Yeso raw riŋ rage ga : Ndi diŋ hoole ma kol jar tenen, je maga a we see ɓi no, koŋne cen ge gà so hase, day je maga yãã wããre ɓin we, jwaale kaŋn ge gà so has lay.

De ɗaw wosela tenen caw diŋ Nenterse. Hõõgese ɓen mbe de koɗe, wããre maga ndi wããn ne nday diŋ wããre Nenterse, wããre sen diŋ tenene.

Joŋ we joŋre ti rege maga ɓlag ge go mo koɗ wa, ama joŋ we ti maga ig wolaŋ kol jar tenen tum tiʼ lay mono, rege sen, Wel je táabay hãn ge yaŋ ne nday, werga Baa Pããben de kaŋ lamba egre ɓen ne hẽn ti.

Werga fen maga Pan ɓi dan mo ɓuy diŋ ga jar maga ko wo Weln we, day raw wo we yãã wããre ɓe mo ɓuy, mo kol wo go tenen tum tiʼ, ndi mo fer rage go ciŋ tenen wur naw ma blam taw no.

Yeso raw fer wããre ne hara ga : joŋre maga Baa de gorge ɓe doo ɓay diŋ ga nday mo yãã wããre je maga á ɓoʼ ne le mono.

Jar maga Pan ɓi hã ra me mo ɓuy, a ge wo see ɓi, day ndi fer ge go ɓoʼ je maga a see ɓi mo go gà hase.

Simoŋ Piyer raw ɗege ɓe ga : Waŋkluu, wùr yaʼ diŋ wer wose pala? Ndo de wããre maga ɗaw jar tenen tum doo so lay no.

Ndi diŋ hoole ma kol jar tenen maga a le ciŋ, je maga re hoole sen mokay we, joŋ yaŋ tenen caw tum. Hoole maga ndi hãn ge ne hẽn, hoole sen diŋ ndi de see ɓi tuu, ndi hãn ge, maga jar ma ti tamsirn mo kol wo tenene.

Hayga Pan ɓi maga ɓoʼ me le kog je sen we le gà no, jobo kãã ma a ge see ɓi maga ndi mo fer birgi ɓe go wur naw ma blam tawn gà.

Werga rege maga Baa hã ne le, rege sen diŋ je maga ɗii le ciŋ, kol jar ma ti tamsir wo go tenen mono.

Ndi diŋ hoole ma kol jar tenene.

Yeso raw maŋ hoolen doo, raw joŋ suseʼ ne Baa wo ti hoole no, raw ɓesge ɓe go ne jar maga wo de lagge gesiŋ ni mo ɓuy, raw hã cẽẽn ne hara doosen no lay, doo ga ɓil ɓaara da nono. Á wo wo go wuugi ɓuy mokay, Yeso raw riŋ jar ma wer ɓen wo ga : Tay we ti nen hoole maga gwaʼ go ni mono, maga mopo mo yee go wa hase.

Á hay wo go de seege go nen klewmeder dwee noga hiiraʼ taʼa, á wo wo ko Yeso le de kos daagen seege ciŋ ti biin mo caw, á raw wo joŋ hẽẽne. Yeso raw riŋ rage ga : Á diŋ ndi, joŋ we hẽẽne wa.