Suosittuja jakeita Raamatun kirjasta MATIYO 27

Jaa

Mukaɓala wa sa ya shendra, Insa ashelemedza ha ji lendza nguvu: «Eli, Eli, lama saɓaktani?» Mana ya v̄av̄o: «Mwalangu, Mwalangu, manatrini waniɓauha?»

Na v̄ale umusutru wa iNyumba Ndzitwaharifu urandruha maɓayi maili, rangu uju ata utsini, ishiv̄andre ya tsi igudzuha, yamadjaɓali yapasuha, yamahaɓuri|kaɓuri yaɓuha, na watwaharifu wengi waka wafa, yimili yawo yiregezewa hayi.

Ɓas, Insa ashelemedza raha ha ji lendza nguvu, amwesa ajeledza iroho.

Ɓas, djukuma la madjeshi na uwatru wahe wakomugogea Insa uona yawo umudridrimio wa ishiv̄andre ya tsi na trongo zahidjiri v̄ale, waremwa na faza ɓole ata warongoa: «Ha kweli, mutru unu aka uMwana wa Mungu!»

Rangu sa ya sita ata upara sa ya shendra, v̄ushuku shidza hari mwa piya itsi.

Ɓilatusa awadzisa: «Nimufanyiye trini ɓasi Insa ahiriwao Kristi?» Piyawo wadjiɓu: «Naremwe mizumari hari mwa muri wa pawa!» Dhwamana ule awadzisa: «Mbovu trini ɗe aifanya?» Ɓadi wazidi ushelemedza: «Naremwe mizumari!»