Suosittuja jakeita Raamatun kirjasta চঙি 17

Jaa

অব্রামনি বয়স জেলা সুকুছিসুকু বৗসৗৰ সায়া, যিহোৱা ঈশ্বৰা অব্রামনা দর্শন লাওমৗন ব্রাকৌ, “আং যিহোৱা ঈশ্বৰ; ইনি মাহাঙায় খৗন্তৗকৱায় লৗজৗমমৗন পুৰা সায়।

নিনি মুং অব্রাম ব্রাকৗইমৗন কালাঙি সায়চানা, নাত্নে অব্রাহামসে সায়ঙা; আতাংনা ব্রাকাৰৗন আং নৗঙো তৗক্রৗই জৗতিদোনি আৱা জুদাগ বানায়ৌ।

“আং নিনি আৰা নিনি জেলা-সেলাঙি হৗসুগনিবান যিহোৱা ঈশ্বৰ সায় গৗমৗন হৗসুগৱায়প্রিং হৗসুগৱাঙা লাবসায়ৗন গসা নিয়ম সায় গৗমৗন, আংমৗন নৗংমৗন আৰা নিনি জেলা-সেলাঙি হৗসুগ নি মাজাৰায় ইনি নিয়ম ঠিক গাসায়ঙা।

“চৗই আঙৗন নৗংমৗন ইনি নিয়ম ঠিক গাসায়ৌ; উম্প্রিং নৗং জৗতিদোনি আৱা জুদাগ সায়ঙা।

উম্প্রিং যিহোৱা ঈশ্বৰা ব্রাকৌ, “দংচা, নিনি মিচিক সাৰাজু নিনি গৗমৗন স্বা-বৗন্তৗই সাকসা জনম লাওঙা, আৰা নৗং উনি মুং ইসহাক তান; উনি জেলা-সেলাঙি হৗসুগনি গৗমৗন বুসুঞ্চা নিয়ম সায় গৗমৗন, আং উমৗন অৗগ্রৗম ইনি নিয়ম ঠিক গাসায়ঙা।

আৰা নৗং পাংতোঙি ই হাসং, ই বেবাক কনান হাসং আং নৗনা আৰা নিনি জেলা-সেলাঙি হৗসুগদোনাবান বুসুঞ্চা লাগেত পাং গৗমৗন লাওঙা; আৰা আং অনোঙিবান যিহোৱা ঈশ্বৰ সায়ঙা।”

উম্প্রিং অব্রাহামা ব্লৗপৗইমৗন ক্রৗইমৗন, মিনায়মৗন মনায়ৗন ব্রাকৌ, “শʼগসা বৗসৗৰায়ঙি মাৰাবা স্বা মান্না নাতুং? আৰা সুকুছি বৗসৗৰায়ঙি সাৰাৱা কি স্বা মান্না নাতুং?”

যিহোৱা ঈশ্বৰা অব্রাহামো ব্রাকৌ, “নিনি মিচিক সাৰানি বিষিনায় হলে, উৱো সাৰী ব্রাকৗইমৗন আৰা তাʼকালাংজা; নাত্নে উনি মুং সাৰা সায়ঙা।

ননোক অৗপিন আপানি তʼতো হলোব হুচুৰ হান; উৱৗন ইনি আৰা ননোঙি মাজাৰায় তান্তানি নিয়মনি চিন্ন সায়ঙা।

নাত্নে ফৗইতোঙি বৗসৗৰায়ঙি ই সমায়ায় সাৰাজু নৗনা গৗমৗন যিয়ো জনম লাওঙা, উ ইসহাক মৗনসৗন আং ইনি নিয়ম ঠিক গাসায়ঙা।”

যুগ-যুগাং লাগেত ননোঙি বেবাক মিস্বা জাৰতানি গিন দিনায় হুচুৰ হান নিগিনা; নৗগৌৱায় জনমতানি, এবা আতাং জৗতিনায়প্রিং পৗশি লাওমৗন পৗৰৗইতানি, নিনি হৗসুগৱায়ঙি দংচা ইগিনা নিনি মিলিংনিবান হুচুৰ হান নিগিনা। নিনি নৗগৌৱায় জনমতানি আৰা নিনি পৗশিমৗন পৗৰৗইতানি মাৰাবদো হুচুৰ হানন নিগিনা; ইগিনান ইনি নিয়মো ননোঙি কানায় বুসুঞ্চা নিয়ম সায়ঙা।