Suosittuja jakeita Raamatun kirjasta Mǒhtûlû̌hǎhtûsa 11

Jaa

Dě a hî̌ kû̌, “Kè̌mò̌, kòyò hǒtokhlǒ a kè̌ ô̌pwǎ tô khlilèphû̌ nô̤̌pwǎ, a kè̌ hî̌bǎ pwǎ tôcǒ nô̤̌ dě a kè̌ sahtò̌ ma̤ ta̤ pô̤̌o numî̌ htû̌nô̌kò pě asî sǎyṳ ma̤ ta̤titètè̌ bǎbǎ a gǔ ma̤htûhtò̌bò̌ lô̌khô pě. Cû̌, pa hèlò̤ ma̤dô̌shǐdô̌klabò asîyô̤̌ dě no sî̌ganǎ̤ pe tǎ̤ asî tôpwa̤ kû̌ tôpwa̤ ayô̤̌ tǎ̤mǎ̤ tǎ.”

Htodě asî hî̌ lô̌khô kû̌, “Cû̌, pa cû̌ ma̤htò̌nǎ wî̤̌dû̌ tôwî̤̌ dě pa bô̌htò̌ hǐhtûhtò̌yô̤̌ dǒ a htò̌yô̤̌ tǒ̤dǒ mǒkhû̌ tômè tǎ, pa gǔ ma̤ pô̤̌nu htodě pami̤ lṳ̌shilṳ̌gǎ pě, htokhôtô̤̌ pa cû̌ô̌ pusǔpeshe pe lû̌û dǒ hǎkhû̌ tôbǎ nutô̤̌.”

Bǎnukha Cǒmara tûjû̌pwa̤ ma̤dô̌shǐdô̌kla lǒ̤bò kòyò ô̌ bǎ hǎkhû̌ hǒtôbǎ ayô̤̌ akhû̌akhî, kòyò kaǎkè wî̤̌ nutôwî̤̌ ami̤ kû̌ Wî̤̌babǔlû (Babǔlû mî̌ apwe̤ sô̌sô̌ kû̌ ma̤shû̌shu shû̌shǎ ma̤lûpò̌lûshe). Pô̤̌nudě sahtò̌ bǎ Wî̤̌babǔlû nudě Cǒmara tûjû̌pwa̤ ma̤ pushǔpeshe cû̌kè asî dǒ hǎkhû̌běkhû̌ lǒ̤bò.

Dǒ sakhû̌lû̌ akhanu, lǒ̤bò kòyò ô̌ dǒ hǎkhû̌ tôbǎ bò̌bò numî̌, ayô̤̌ ô̌pwǎ tôcǒ nô̤̌pwǎ dě asî hî̌bǎ sô̌sô̌ pwǎ lû̌û.

Dě Cǒmara tûjû̌pwa̤ hèlò̤ kè̌ pwǎ wî̤̌ kû̌ hǐhtûhtò̌yô̤̌ dǒ kòyòhǎkhû̌phû̌ ata̤bô̌htò̌ nu pwǎ.

Pô̤̌nukhû̌khî, Cǒmara tûjû̌pwa̤ hèlò̤ ma̤ pushǔpeshe cû̌kè asî dǒ hǎkhû̌ tôběbò, dě a bô̌htò̌ htûpe asî wî̤̌dû̌ nutôwî̤̌ tô̤̌.