Suosittuja jakeita Raamatun kirjasta Juan 6

Jaa

Ati Jesús gudxe leke: —Neda naka yët'xhtiil le runn yëla naban. Bënni riid'leene neda, tir tëëde yëla rdun; len bënni rajle'e neda, tir tëëde yëla rbiidx.

Bë'a nak le runn yëla naban; le nak ki yëdz'lyu ni gat'ga zuakz ga run. Ati diidza le chi be'leena lbi'ili nakgak bë' len yëla naban.

Ti gun'li dxin ki la'wa'gu le rak'ditji, gulgun dxin ki la'wa'gu le ti rak'ditji len runn yëla naban tzalzu. La'wa'gu ni gunne kieeli Xi'ine Bënni, koma Xuuz'ru Dios, chi nuun'de Le' kie'.

Koma le ryaazlaadxe'e Xuuza nak ki yugute'ke bënni tuyu'ke Xi'ine Dios len layajle'ke le', lape yëla naban tzalzu; len neda yuspan'ka'ne lu yëla gut dza zia'a za.

Jesús bubi'e kieke Diidza: —Le re'enz'de Dios nak ki tzajle'li'ne bënni'a Le' nusë'le'e

Yugute'ke bënni'a Xuuza benne kia' tiid'leene neda; ati bënni tiid'leene neda, ti yulaag'ka'ne.

Simón Pedro bubi'e diidza: —Xan, ¿Nuxhkz tziaj'leen'tu? Le Li' rnou' nak yëla naban tzalzu.

Neda naka yët'xhtiil'a za' yewayuba; bënni ra'we yët'xhtiil ni, tzalzu sue'. Yët'xhtiil'a lea neda rnëëdzja nak xhpeela'kza. Rnëëdzja ley nia'a ki yëla naban ki yëdz'lyu.»

Xuuza nusë'le'e neda len nutunu bënni gunn giid'leene neda xhki Le' ti kche'e le'; len neda yuspaana'ne lu yëla gut dza zia'a za'.

Koma yët'xhtiil'a lea Dios runne nak le za' yewayuba len rnëëdzj yëla naban ki yëdz'lyu.

Neda naka yët'xhtiil le runn yëla naban.

Jesús gde'le'e lu ne'e yët'xhtiil'a len buudx be'e yëla dexhken Dios, gulagis'ke kieke bënni'a rë'ke'a. Lekz'ka' beene len bël'a, bnëëdzje tzka te'en'de. Kati chi glëëlj'de, Jesús gudxe bënni useed kie': —Guluzi' tzka buga'an, naar tibi gak'ditji.

Kati chi gulayu'u'ke ka tu ur nëëz, gulale'i'de Jesús ze'e ga'la ra barku rze'e lu nis'a len glaadxi'de. Jesús gudxe leke: —¡Needa'a, ti gaadxi'li!